Kvöldopnun í Aðalgötunni
feykir.is
Skagafjörður, Mannlíf, Fréttir
10.10.2023
kl. 16.15
Ný söguspjöld í Gránu. MYND AÐSEND
Notaleg kvöldstund verður á Aðalgötunni á Sauðárkróki þann 11. október frá kl 20:00 til 22:00. Þema kvöldsins er röndótt/rendur og væri gaman að sjá skemmtilegar og mismunandi útfærslur af því hjá fyrirtækjum og öllum sem kíkja til okkar. Happdrætti, sem dregið verður úr eftir kl.22 og allir viðskiptavinir geta tekið þátt með því að skrifa nafn og síma á kvittun og sett í púkk. Hægt er að taka þátt eins oft og maður vill í öllum fyrirtækjunum sem verða með opið á kvöldopnuninni, veglegir vinningar.
Gaman er að segja frá því að á þessari kvöldopnun verða frumsýnd ný söguskilti í veitingasal Gránu Bistro. Stærstan hluta síðustu aldar var þessi salur verslun KS en á söguskiltunum er saga Gránu rakin, auk þess sem fjallað er um sögu Aðalgötunnar og Sauðárkróks. Auk söguskiltanna er komin upp tilraunasýning í veitingasal Gránu þar sem gestum gefst kostur á að skanna kóða með snjallsíma og sjá þannig myndir úr gömlu búðinni í Gránu. Þar er notast við svo kallaðan viðbættan veruleika (augmented reality), en sýningin var unnin með styrk frá Uppbyggingarsjóði NV og Nýsköpunarsjóði námsmanna.
Framleiðsla söguskiltanna var á höndum starfsfólks Sýndarveruleika ehf. en hún var styrkt af Uppbyggingarsjóði Norðurlands vestra og Menningarsjóði Kaupfélags Skagfirðinga. Skiltin voru unnin í góðu samstarfi við Héraðsskjalasafn Skagfirðinga.
Ásamt því að skoða söguskiltin býðst gestum Gránu að kaupa sér mat af nýjum matseðli frá morgni til kvölds á morgun miðvikudag.
Opnunarpartý á Garnbúðinni Rendur sem staðsett er í Eftirlæti, léttar veitingar og búbblur.
Röltum um fallega bæinn okkar, það verður margt að sjá, tilboð og skemmtileg stemning, ef þetta er ekki ástæða til að leggja frá sér símann/fjarstýringuna og standa upp úr sófanum og taka rölt um gamla bæinn, jafnvel fara bara út að borða, svo er aldrei að vita nema rati ein jólagjöf í poka. Kannski enginn farin að kaupa þær ennþá?
Gatan verður lokuð fyrir bílaumferð frá Ráðhúsi út Aðalgötuna. (Hægt er að fara niður Skólastíg og upp Suðurgötu yfir í Skógargötuna.)
Fleiri fréttir
-
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira -
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.