Sólon ríður á vaðið í Sæluviku með myndlistasýningu á morgun - Leikfélagið rekur lestina - Myndband
Samkvæmt almanakinu hefst Sæluvika Skagfirðinga nk. sunnudag en ákveðið hefur verið að engin formleg setning skuli fara fram að þessu sinni og má kenna Covid-ástandinu um. Nokkrar uppákomur hafa nú þegar verið auglýstar en ljóst má vera að Sæluvikan verður ansi mikið öðruvísi en fólk á að venjast. Sigfús Ólafur Guðmundsson, verkefnastjóri atvinnu-, menningar- og kynningarnefndar hjá Sveitarfélaginu Skagafirði, segir að setningin verði með óhefðbundnu sniði eins og búast megi við. „Það verður ekki formleg setning Sæluviku heldur verður athöfn á laugardegi í lok Sæluviku með samfélagsverðlaun og úrslit vísnakeppni og svo verður Héraðsskjalasafnið með sýningu tileinkaða Feyki í tilefni 40 ára starfsafmælis. Laugardagurinn verður sem sagt aðaldagurinn og við hvetjum fólk til að taka þátt, hvort sem er rafrænt eða í mannheimum.“
Þeim sem hafa hug á að setja upp viðburð í Sæluviku, hefðbundinn eða rafrænan, er bent á að hafa samband við Hebu Guðmundsdóttur á netfangið heba@skagafjordur.is eða í síma 455 6017.
Von er á heimasíðu Sæluviku í loftið fljótlega en hún verður afhent Sveitarfélaginu í dag og á þá eftir að færa efni inn á hana, að sögn Sigfúsar Ólafs.
Á Facebooksíðu Sæluviku hafa tónleikar verið auglýstir í Gránu Bistro þar sem skagfirskir tónar frá skagfirskum konum fá að leika um eyru gesta en þar leiðir tónleikahaldarinn Hulda Jónasar fjölda söngvara á svið.
Samsýning myndlistarfólks í Sólon, félagi myndlistarfólks í Skagafirði og nágrenni, verður haldin í 12. sinn á Sæluviku Skagfirðinga. Sýningin verður í Gúttó frá laugardeginum 24. apríl og stendur til og með sunnudeginum 2. maí.
Opið verður á virkum dögum kl. 16-19 og um helgar kl. 13-16.
Nokkur fyrirtæki í Aðalgötunni á Króknum ætla að hafa kvöldopnun á miðvikudag í Sæluvikunni. Opið verður kl. 19:00-21:00 og ýmis tilboð í gangi, gleði og gaman. Bæjarbúar og gestir eru hvattir til að kíkja á röltið, njóta samverunnar og versla etv. hjá einyrkjunum, lista- og handverksfólkinu og litlu fyrirtækjunum sem prýða fallega gamla bæinn undir Nöfunum.
Þá er ljóst að Leikfélag Sauðárkróks mun ekki frumsýna Sæluvikustykkið fyrr en eftir Sæluviku enda hafa verið mikil höft vegna sóttvarnaráðstafana. Þar til nýlega var óleyfilegt að allur hópurinn æfði saman á sviði en eftir rýmkun á fjöldatakmörkunum tókst að koma öllum saman og renna leikritinu.
Feykir mætti með myndavélina á æfingu í vikunni og tók upp söng Guðrúnar sem Rannveig Stefánsdóttir leikur, og sjá má hér að neðan. Tekið skal fram að um æfingu er að ræða og leikmynd og búningar ekki endanlegir.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.