Spánski hljómsveitarstjórinn Joaquín de la Cuesta auðgar menningarlífið norðanlands
Það var árið 2020 sem Joaquín de la Cuesta, tónlistarmaður, hljómsveitarstjóri og kennari, kom í Skagafjörðinn frá spænsku eyjunni Tenerife til að kenna við Tónlistarskóla Skagafjarðar. Hann segist alltaf hafa litið á sig sem tónlistarlega eirðarlausan einstakling sem ávallt leiti að nýjum áskorunum eða markmiðum sem stuðlað geti að tónlistarmenningu hvar sem hann fer.
Sem hljómsveitarstjóri hefur Joaquín verið verðlaunaður í nokkrum alþjóðlegum hljómsveitarstjórnarkeppnum á tónleikaferðalögum sínum, m.a. í Argentínu, Spáni og í Asíu, og einnig hefur hann nýlega gefið út ítarlega rannsókn sína á áður óþekktu verki sem kom í leitirnar fyrir ekki svo löngu, Konsert fyrir píanó og hljómsveit, eftir frægan 19. aldar spænskan píanóleikara og tónskáld, en Joaquín er sérfræðingur í spænskri sinfónískri tónlist á 19. öld og fyrsta þriðjungi 20. aldar.
Hér á Norðurlandi og í Skagafirði hefur Joaquín verið að undirbúa nokkur mjög svo athyglisverð tónlistarverkefni sem vonandi fara af stað innan langs tíma en hann vinnur nú þegar að stofnun Nordurland Kammer Philarmonie, kammerhljómsveitar sem hann vonast til að geti boðið upp á tónleikaröð þar sem heimafólk og aðrir landsmenn geti gerst áskrifendur að en áætlað er að tónleikar verði haldnir í héraði sem og víðar.
Hann segir skipulagningu sinfóníukórtónleika einnig vera á teikniborðinu og er kórinn opinn öllum þeim sem áhuga hafa á að taka þátt í að túlka Sálumessu Mozarts en upplýsingar um það muni koma síðar.
Þá eru einnig í undirbúningi nokkrar útfærslur að tillögum þar sem íslenskir einsöngvarar, eða jafnvel tónlistarnemar og skólafólk í héraðinu, fái að spreyta sig með verkefninu „Kammersveitin innan frá“ eða „Kórstjórnarnámskeið fyrir byrjendur“.
Í samstarfi við Tónadans verður sett upp, í stuttri útgáfu, hið geysivinsæla tónverk Karnival dýranna, etir Camille Saint-Saéns, og hefur Joaquín tekið að sér að sjá um tónlistarþáttinn með lítilli hljómsveit sem nú þegar hefur hafið æfingar en nemendur Tónadans munu sjá um klassískan ballett.
Joaquín segir að löngun hans til að leggja sitt af mörkum í menningarlífi okkar Íslendinga sé mikil og vonar að það að bjóða upp á tónlist í hæsta gæðaflokki, sem reyndur hljómsveitarstjóri fer fyrir, muni skila framúrskarandi niðurstöðu.
Fleiri fréttir
-
Sigurður Örn til PLAY
feykir.is Austur-Húnavatnssýsla, Mannlíf 16.04.2024 kl. 15.32Flugfélagið PLAY hefur ráðið Sigurð Örn Ágústsson, frá Geitaskarði í Langadal, sem framkvæmdastjóra viðskiptaþróunar. Fram kemur í fréttatilkynningu á netsíðu PLAY að um er að ræða nýtt svið innan flugfélagsins en Siggi mun hafa það hlutverk að leiða frekari þróun þvert á öll svið flugfélagsins.Meira -
Fyrri umferð biskupskosninga lokið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 14.02Kosning biskups Íslands fór fram dagana 11.- 16. apríl og kosningu lauk á hádegi í dag, 16. apríl og niðurstaða kosninganna liggur fyrir þrjú voru í kjöri og féllu atkvæði þannig:Meira -
Háskólinn á Hólum hlýtur viðurkenningu fyrir framsækið og metnaðarfullt háskólastarf
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 13.50Háskólinn á Hólum hlaut á dögunum Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.Meira -
Synjun Skagabyggðar um efnistöku í sveitarfélaginu stendur
feykir.is Austur-Húnavatnssýsla 16.04.2024 kl. 13.45Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar. Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum.Meira -
Ólíkir tónlistarheimar mætast á ferðalagi um landið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 11.52Marína Ósk kemur úr heimi djass og Ragnar Ólafsson úr rokki. Þau leggja nú saman af stað í tónleikaferðalag saman um allt land 16.-28. apríl. Þau kynntust í Húsi máls og menningar, þar sem þau spila flest kvöld vikunnar fyrir fullu húsi. Semja nú saman söngvaskáldatónlist og gáfu meðal annars út lagið Er kólna fer ekki alls fyrir löngu. Þau heimsækja Gránu á Sauðárkróki á morgun – miðvikudaginn 17.apríl og hefjast tónleikarnir kl.20.30.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.