Það er leikur að læra
Nú fyrir síðustu helgi fengu nemendur í vali í framreiðslu við Grunnskóla Húnaþings vestra kennslu í blómaskreytingum. Á heimasíðu skólans kemur fram að margar fallegar skreytingar hafi litið dagsins ljós og skólinn þvíí kjölfarið fallega skreyttur með lifandi blómum.
„Kennari var Jean og fær hún hrós fyrir skemmtileg og nytsamleg verkefni,“ segir á síðunni.
Ekki minnkar fjörið á morgun því þá er Valgreinadagur á Hvammstanga hjá 8., 9. og 10. bekk skólanna í Austur og Vestur-Húnavatnssýslum. Þá er boðið upp á hinar og þessar smiðjur þar sem nemendur kynna sér kvikmyndagerð, ljósmyndun, pílukast, að elda úti, kínaskák, blak og ringó, Zumba, jóga og leiki, geta fræðst um kertagerð, lært og spilað félagsvist, spunnið ull, skapað listaverk í myndmennt, endurskapað listaverk, kynnt sér hár og förðun, brjóstsykursgerð eða þjónustu og framreiðslu.
Í lok dagsins mun Margrét Alda Magnúsdóttir, forvarnafulltrúi lögreglunnar, vera með fræðslu og umræður fyrir nemendur þar sem umræðuefnið verður m.a. samskipti á netinu.
Heimild og myndir: Heimasíðu Grunnskóla Húnaþings vestra
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.