Tvíburamet í Árskóla
Nú eru skólar byrjaðir og börn sem fædd eru árið 2017 hófu skólagöngu sína í haust á landinu öllu. Í Árskóla stigu 44 börn sín fyrstu skref í grunnskóla og er það eitt og sér kannski ekki í frásögur færandi en það sem er skemmtilegast frá að segja er að í þessum árgangi í skólanum eru fimm tvíburapör.
Þetta þýðir að tíu börn af þessum 44 eru tvíburar. Það er met í Árskóla en við mikla upprifjun hjá kennarahópnum kom þó upp úr dúrnum að í árgangi 1991 voru fjögur tvíburapör.
„Þessi tvíburapör eiga það öll sameiginlegt að það er auðvelt að þekkja börnin í sundur,“ segir Sigríður Stefánsdóttir, einn af umsjónarkennurum krakkanna, en hún er einn af þremur kennurum sem kenna hópnum. Stundum áður hefur verið erfiðara að þekkja tvíburana í skólanum í sundur og man Sigríður eftir einum fæðingarbletti á hálsi sem hægt var að nota til aðgreiningar. Einhverjir krakkanna höfðu á orði að þeim væri oft ruglað saman, nöfnunum víxlað og fleira í þeim dúr. Sara og Hilmir sleppa sennilega best þegar talið berst að svona ruglingi.
Fyrir þá sem hafa áhuga á ættfræði þá fylgir hér mjög einfölduð skagfirsk útskýring á því hver börnin eru og hverra manna. Þetta eru þau Almar Logi og Aron Sölvi (Arnarssynir og Guðrúnar Aspar Halls og Sirrýjar), Daníel Máni og Emil Fannar (Davidssynir og Söndru Guðnýjar sem er barnabarn Stebba Valda og Guðnýjar Björns), Jóel Darri og Aron Elmar (Helgasynir og Freyju Emils og Siggu Jens), Sara Margrét og Hilmir Óli (Atlabörn Ara og Sigrúnarsonar og Stefaníu Sigga Baldurs og Sesselju) og að lokum Brynja og Freyja (Gestsdætur Sigurjónssonar og Svanborgar Guðjóns og Ernu Nielsen).
Í Árskóla eru nú um 160 börn á yngsta stigi (1. til 4. bekkur) en í skólanum öllum eru nemendur um 400 talsins.
- - - - - - - - - - -
UPPFÆRT:
Feyki barst ábending um það að í árgangi 1991 sem hóf grunnskólagöngu sína í Barnaskólanum á Sauðárkróki 1997 byrjuðu fimm tvíburapör einnig. Tæknilega séð er þetta rétt í Feyki því þetta er í fyrsta skipti sem fimm tvíburapör hefja nám í 1. bekk Árskóla því hin pörin voru í Barnaskólanum á Sauðárkóki. Þetta voru þau Stefanía Ósk og Pála Rún Pálsdætur (Palla Stebba Páls og Jóhönnu Birgis. frá Bakka), Elísa Ósk og Pálína Ósk Ómarsdætur (Ómars og Vilborgar á Gili), Hjörtur og Sigþór Gunnarssynir (Gunna Steingríms. og Ingu Sigtryggs.), Halla Mjöll og Edda Borg Stefánsdætur (Stebba á Gauksstöðum og Ollu Dísar) og Steinunn og Sveinn Orri Guðmundsbörn.
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.