Fljótlegur svartfugl og agalega góð desertsósa
„Einföld og fljótleg eldamennska hefur í gegnum tíðina verið mest í uppáhaldi á heimilinu. Að vísu er minn gamli að koma sterkur inn, sérstaklega ef hann hefur veitt það sem á að elda, þá er tekinn tími og sönglað meðan á eldun stendur. Í tilefni af áskorun úr næsta hreppi þá verður boðið upp á þríréttað, takk fyrir pent, en samt einfalt og fljótlegt,“ sagði Sigríður Gestsdóttir enhún og maður hennar, Stefán Jósefsson voru matgæðingar vikunnar í 36. tölublaði Feykis árið 2012.
Forréttur
Rækjukokteill
200-300 g góð rækja , stór eða smá
100-150 g majones, má vera létt
2-3 msk tómatsósa
1-2 tsk sinnep, helst dijon
2 dl rjómi, þeyttur
1 sítróna
Aðferð:
Í forrétt höfum við rækjukokteil sem er bara alveg spari. Við tökum tómatsósu, majones, sinnep og nokkra dropa af sítrónusafa og hrærum vel saman, síðan hrærum við rjómanum saman við, þá á að vera komin létt sósa, því næst eru rækjurnar þerraðar vel og settar út í. Geymt í u.þ.b. klukkutíma í ísskápnum og borið fram með ristuðu brauði.
Aðalréttur
Svartfugl
4 svartfuglsbringur
villijurtakrydd frá Pottagöldrum
salt og pipar
½ l rjómi
einiber
1-2 tsk villibráðarkraftur
Aðferð:
Aðalrétturinn er fljótlegur svartfugl. Svartfuglsbringurnar eru þerraðar vel og barðar aðeins og kryddaðar með villijurtakryddi (Pottagaldra), salti og pipar. Þá eru þær steiktar á vel heitri pönnu upp úr olíu eða smjöri. Því næst er rjómanum hellt yfir og bringunum snúið öðru hvoru í um 5 mínútur. Þá eru þær færðar uppá fat meðan sósan er útbúin. Út á pönnuna eru sett nokkur einiber og villibráðarkraftur og hrært í á meðan þykknar.
Með þessu eru nýuppteknar kartöflur, rifin epli í rjóma, rauðkál, maísbaunir og uppáhalds hrásalatið borið á borð.
Eftirréttur
Ávextir með agalega góðri sósu
2 eggjarauður
1½ dl flórsykur
1 peli rjómi, þeyttur
appelsínusafi
ávextir að eigin vali, niðurskornir
Aðferð:
Eggjarauður þeyttar með flórsykri. Rjómi þeyttur og hrærður saman við eggjahræruna, að lokum er appelsínusafi kreistur út í. Þetta er agalega góð sósa til að bera fram með niðurskornum ávöxtum. Það er hægt að nota hvaða ávexti sem er.
Vonandi bragðast þetta vel en umfram allt skemmtið ykkur vel!
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.