Humarhalar, saltfiskur að hætti Hawaiibúa og ávaxtaeftirréttur
Matgæðingar í 30. tölublaði Feykis sumarið 2018 eru Brynhildur Sigtryggsdóttir og Ómar Kjartansson á Sauðárkróki. Þau hjónin ættu flestir Skagfirðingar að kannast við en þau ráku Blóma- og gjafavöruverslunina á Króknum um árabil og einnig reka þau ÓK gámaþjónustu sem á móttökustöðina Flokku.
Þau buðu upp á þrjá girnilega rétti: humarforrétt, eftirrétt með ferskum berjum og spennandi saltfiskrétt. „Við höfum mjög oft eldað þennan saltfiskrétt þegar við fáum gesti til okkar og hann hefur alltaf slegið í gegn. Rétturinn heitir Saltfiskur að hætti Hawaiibúa og er í bókinni Suðrænir saltfiskréttir (gefin út 1992) en er því miður ófáanleg nú. Saltfiskurinn ( útvatnaður til steikingar ) fæst frosinn í öllum matvöruverslunum,“ segir Binný.
FORRÉTTUR
Humarhalar í ofni
6 humarhalar sem eru teknir úr skelinni og hreinsaðir
6 brauðsneiðar (ekki hafa grófkornabrauð)
Aðferð:
Skerið skorpuna af og fletjið hverja sneið vel út með kökukefli. Setjið sítrónupipar annars vegar á brauðsneiðarnar og humarhala á hverja sneið. Þessu er rúllað upp og sárið látið snúa niður.
Bræðið kryddsmjör og penslið á rúllurnar.
Bakað í ofni við 200 gráður í 15-20 mínútur eða þar til brauðið hefur fengið smá lit og er orðið stökkt.
Borðað með tómötum, agúrku og sítrónu sem gott er að kreista yfir rúllurnar.
AÐALRÉTTUR
Saltfiskur að hætti Hawaiibúa
8 saltfiskbitar (sem eru sérútvatnaðir fyrir steikingar)
olía til steikingar og nota vel af henni
hveiti (ekkert krydd)
1 laukur
4-5 ananashringir
Aðferð:
Byrjið á því að velta fiskbitunum upp úr hveitinu og steikið í mikilli olíu þar til þeir verða gullinbrúnir og steikt í gegn. Geymið á steikarafati.
Laukurinn skorinn niður í hringi og velt upp úr hveiti. Steikt vel eða þar til laukurinn er orðinn gullinn. Sett ofan á fiskinn. Ananashringjunum velt upp úr hveiti og steiktir - settir ofan á laukinn.
Sett í ofn við 150 gráður C.
4-6 hvítlauksrif skorin niður í þunnar sneiðar og steikt í olíu. Setjið 1-2 msk. steinselju út á. Hafið vel af olíu á pönnunni. Takið pönnuna af eldavélinni og setjið u.þ.b. 2 msk. af hvítvínsediki út á pönnuna. Þetta kraumar svolítið og sett strax yfir fiskinn.
Með þessu er best að hafa soðnar kartöflur.
EFTIRRÉTTUR
Ferskir ávextir með serrý- makkarónusósu
Ferskir ávextir settir í skál t.d. bláber, jarðaber og hvað eina sem manni dettur í hug.
Sósan:
1 dós sýrður rjómi (10%)
6-8 makkarónukökur, muldar smátt út í
serrý eftir smekk
Allt hrært saman og geymt í kæli í minnst 30 mínútur.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.