Álagningarseðlar fasteignagjalda 2011 gefnir út
Upphafsálagningu fasteignagjalda 2011 fyrir sveitarfélagið Skagafjörð er lokið og verða álagningarseðlar póstsendir á morgun til allra greiðenda sem búa utan sveitarfélagsins og til íbúa þess sem eru 60 ára og eldri. Aðrir gjaldendur verða að nálgast álagningarseðla sína í Íbúagátt sveitarfélagsins.
Aðgangur að Íbúagáttinni er heimill öllum einstaklingum eldri en 18 ára svo og fyrirtækjum en ekki eru sett skilyrði um að hafa heimilisfesti í sveitarfélaginu. Samkvæmt vef sveitarfélagsins eru allir álagningarseðlar aðgengilegir í Gáttinni frá þessari stundu og skiptir ekki máli hvort þeir hafi verið sendir í pósti til greiðenda eður ei.
Upphafsálagningin nemur samtals 474 milljónum króna í ár, þar af er fasteignaskatturinn 260 milljónir króna, lóðar- og landleiga 46 milljónir króna, fráveitugjöld 70 milljónir króna, sorpgjöld 53 milljónir króna og vatnsgjald 45 milljónir króna. Lagt var á 6.175 matseiningar sem tilheyra 3.519 fasteignum. Gjaldendur eru 2.704.
Afsláttur örorku- og ellilífeyrisþega hefur verið reiknaður til bráðabirgða og kemur hann til frádráttar álagningunni. Ekki er þörf á að sækja um þennan afslátt.
Frekari skýringar varðandi álagninguna er að finna á heimasíðu sveitarfélagsins.
Fleiri fréttir
-
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira
