Árni Eggert nýr þjálfari mfl. kvenna Tindastóls
Stjórn körfuknattleiksdeildar Tindastóls bauð í gær vildarvinum og árskorthöfum til spjallfundar og kynningar á nýráðnum þjálfara meistaraflokks karla, Baldri Ragnarssyni í Síkinu. Þá var upplýst að Árni Eggert Harðarson yrði næsti þjálfari mfl. kvenna og skrifað var undir tveggja ára samning við hann.
Vel var mætt á fundinn en áður en þeir Baldur og Árni voru kynntir til leiks var boðið upp á hamborgara og gos. Þeir Baldur og Árni voru ánægðir með mætinguna og sögðu hana sýna hve áhuginn er mikill í körfuboltasamfélaginu norðan heiða. Þeir voru sammála um að Tindastóll ætti ætíð að berjast á toppnum og er það sýn Árna að stelpurnar eigi heima í efstu deild.
Baldur þekkja margir en hann gerði garðinn frægan með liði Þórs Þorlákshöfn í vetur sem sló Stólana út í úrslitakeppni Dominosdeildar. Hann skrifaði undir þriggja ára samning en auk meistaraflokks þjálfun mun hann hafa yfirumsjón með styrktarþjálfun beggja meistaraflokka, kvenna og karla.
Á Facebooksíðu deildarinnar segir að Árni hafi áður þjálfað kvennalið Breiðabliks, karlalið Vængja Júpíters ásamt því að vera aðstoðarþjálfari meistaraflokks ÍR í Dominosdeild karla síðustu ár. Einnig hefur Árni Eggert unnið mikið og gott starf fyrir Körfuknattleikssambandið.
Hægt er að gerast vildarvinur körfuknattleiksdeildar með því að fara inn á Nóra, greiðslu- og skráningarkerfi, á heimasíðu UMSS. Um 200 manns eru þegar skráðir vildarvinir en hægt er að velja um misháar fjárhæðir sem myndu renna til deildarinnar mánaðarlega, frá kr. 500 upp í 5000 krónur. Stjórn deildarinnar hvetur alla til að gerast vildarvinir.
Hér fyrir neðan má sjá viðtöl við þá Árna og Baldur.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.