Áskorun um samstarf í umhverfismálum í útbænum og á Eyrinni
Í gær mættu fulltrúar fyrirtækja, stofnana og verslana, sem eru með starfsemi á Eyrinni og í útbænum á Sauðárkróki, á fund sveitarstjórnar Svf. Skagafjarðar og afhentu áskorun um átaksverkvefni í umhverfismálum. Óskað var eftir viðræðum við sveitarfélagið um umhverfisátak á atvinnusvæðinu og í útbænum.
Ýmsir hafa haft orð á því í gegnum tíðina að útbærinn og Eyrin mættu við andlitslyftingu og nú í sumar tók Fisk Seafood rækilega til í sínum ranni og Steinull er komin af stað í tiltekt. Í kjölfarið kom upp sú hugmynd að fyrirtæki og aðrir aðilar á svæðinu tækju sig saman og gerðu skurk í umhverfismálum á svæðinu og fengju sveitarfélagið í lið með sér.
Á fund sveitarstjórnar voru mætt sr. Sigríður Gunnarsdóttir frá Sauðárkrókskirkju, Róbert Óttarsson frá Sauðárkróksbakaríi og Magnús Svavarsson frá Vörumiðlun. Fram kom í máli Magnúsar að það hefði verið sama við hvern var talað þegar undirtektir voru kannaðar, allir voru jákvæðir og skrifuðu undir áskorunina.
Í áskoruninni segir: „Það er sameiginlegt hagsmunamál allra að hafa umhirðu og umgengni til fyrirmyndar. Ef fyrirtækin og sveitarfélagið leggjast á eitt í þeim efnum er fullvíst að við náum góðum árangri.“ Lagt er til að myndaður verði framkvæmdahópur sem samanstendur af fulltrúum úr hópi fyrirtækjanna og fulltrúum Sveitarfélagsins Skagafjarðar. „Ekki er óraunhæft að ætla tvö ár í slíkt átaksverkefni,“ segir síðan í lok áskorunarinnar.
Þeir aðilar sem standa að áskoruninni eru: Vörumiðlun, Fisk Seafood, Kaupfélag Skagfirðinga, Steinull, Steypustöð Skagafjarðar, Ísfell, Trésmiðjan Ýr, Spíra (Hótel Tindastóll), Sauðárkróksbakarí, Dögun, Puffin & Friends, Drangeyjarferðir, Verzlun Haraldar Júlíussonar, 1238: Baráttan um Ísland, Stoð verkfræðistofa, K-Tak, Grand-Inn Bar and Bed, Puffin Palace, Blóma- og gjafabúðin, Rauði krossinn í Skagafirði, Arion banki, Hard Wok Café, Hársnyrtistofan Capello, Eftirlæti/Drangey gistiheimili, Sauðárkrókskirkja, Gamla Pósthúsið, Landsbankinn, Sýslumaðurinn á Norðurlandi vestra, Lögreglan á Norðurlandi vestra, Sjóvá, Hja Ernu hársnyrtistofa og Handtak ehf. Vera má að einhverja áhugasama vanti á listann sem ekki hefur náðst í af einum eða öðrum orsökum.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.