Átta í einangrun á Sauðárkróki
Alls eru átta manns í einangrun á Sauðárkróki eftir að hópsmit kom upp fyrir helgi. Mikil ös hefur verið við sýnatökur á heilsugæslunni í bænum og eru alls 316 í sóttkví í Skagafirði en 332 ef Norðurland vestra er allt talið. Yfirhjúkrunarfræðingur biður fólk um að spara hringingar nema mikið liggi við.
Kristrún Snjólfsdóttir, yfirhjúkrunarfræðingur HSN á Sauðárkróki, segir mikið álag á símkerfinu þar sem fólk hringi mikið út af hinum ýmsum málum. Vildi hún koma því á framfæri að fólk gæti komið í sýnatöku á heilsugæsluna á Sauðárkróki þrátt fyrir að hafa fengið boð um að mæta annars staðar, jafnvel á höfuðborgarsvæðinu. Hún segir að mikið hafi verið að gera í morgun en allt gengið vel.
Lögreglan stóð vaktina og aðstoðaði
fólk sem þurfti að mæta í sýnatökur.
Lögreglan var m.a. á staðnum og aðstoðaði við skipulag og framkvæmd enda mynduðust löngum biðraðir. Bólusetning heldur áfram eftir plani og er stefnt á næsta miðvikudag og fá þeir sem næstir eru á listanum að öllum líkindum boð þar að lútandi á morgun.
Svona var staðan á Skagfirðingabrautinni
korter í 12 á mánudegi, enginn bíll á ferðinni.
Á Sauðárkróki hefur hægst á öllu, mörg fyrirtæki og stofnanir hafa lokaðar dyr og meira er um heimavinnu en áður. Starfsemi á öllum skólastigum liggur niðri sem þýðir að margir foreldrar eru heima með yngstu börnunum. En þrátt fyrir öll óþægindin má finna fyrir mikilli samstöðu og samfélagið allt ákveðið að tækla þennan veirufjanda með skynsemi og árangursríkum samtakamætti.
„Förum varlega, munum sóttvarnirnar og þá komumst við saman í gegnum þetta verkefni!“ segir í tilkynningu almannavarna á Norðurlandi vestra.
Hér fyrir neða má sjá nokkrar myndir sem teknar voru í morgun. Eins og sjá má eru ýmsar takmarkanir í gildi en alls staðar leita'ðð lausna. Þá er sums staðar unnið af krafti þó ástandið hafi verið betra í bænum.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
