Dúxaði með 10 í meðaleinkunn á stúdentsprófi frá Fjölbrautaskóla Norðurlands vestra
Þorri Þórarinsson, dúx Fjölbrautaskóla Norðurlands vestra, vann það einstaka afrek að hljóta meðaleinkunnina 10,0 á stúdentsprófi á Náttúrufræðibraut. Brautskráning skólans fór fram í dag, 5. júní, og voru gefin út 74 prófskírteini við hátíðlega athöf í íþróttahúsinu á Sauðárkróki.
Aðspurður segist Þorri nú alveg hafa þurft að hafa fyrir þessu. Hann lærði vel, fór vel yfir allt efnið en þurfti svo sem ekki að vaka á næturnar til að læra. Hann kemur frá bænum Keldudal í Skagafirði og í raun hafi það verið frí frá sveitastörfunum að komast í bækurnar. „Covid-tíminn hafði ekki mikil áhrif á mitt nám þar sem það færðist heim í tölvuna. Ég mætti í skólann á morgnana í tölvunni og lærði heima eftir það“ segir Þorri og þakkar foreldrum sínum fyrir að hafa kennt sér samviskusemi. Þorri er ekki eini námshesturinn í fjölskyldunni, hann segir hana fulla af duglegu fróðleiksfúsu fólki. Til gamans má nefna að Sunna systir hans var dúx skólans fyrir þremur árum.
Fyrir þennan einstaka árangur hlaut Þorri eftirtaldar viðurkenningar:
Viðurkenningu fyrir framúrskarandi námsárangur í ensku á stúdentsprófi.
Viðurkenningu frá Danska sendiráðinu fyrir framúrskarandi námsárangur í dönsku á stúdentsprófi.
Viðurkenningu fyrir framúrskarandi námsárangur í íslensku á stúdentsprófi.
Viðurkenningu fyrir framúrskarandi alhliða námsárangur á stúdentsprófi náttúruvísindabrautar.
Raungreinaverðlaun Háskólans í Reykjavík fyrir framúrskarandi námsárangur í raungreinum á stúdentsprófi.
Viðurkenningu frá Þýska sendiráðinu fyrir framúrskarandi námsárangur í þýsku á stúdentsprófi.
Viðurkenningu frá Íslenska stærðfræðafélaginu fyrir framúrskarandi námsárangur í stærðfræði á stúdentsprófi.
Þorri stefnir á nám í Lífefna- og sameindalíffræði við Háskóla Íslands í haust en fram að því ætlar hann að hjálpa til heima á bænum. Feykir óskar honum innilega til hamingju með þennan frábæra árangur og velfarnaðar í því sem hann mun taka sér fyrir hendur í framtíðinni.
/SHV
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.