Tap Stólanna í erfiðum leik á Höfn
Tindastólsmenn skutust austur á Höfn í gær og léku við lið Sindra í 3. deildinni. Liðin áttust við á Króknum fyrr í sumar og úr varð mikill hasarleikur sem endaði með 4-3 sigri Stólanna eftir mikið drama. Úrslitin í gær voru ekki jafn ánægjuleg því eftir markalausan fyrri hálfleik gerðu heimamenn tvö mörk á síðasta hálftímanum eftir að Tindastólsmaðurinn Haims Thomson fékk að líta rauða spjaldið. Lokatölur því eðlilega 2-0.
Leikmenn Tindastóls voru duglegir að safna gulum spjöldum í fyrri hálfleik og fyrrnefndur Hamish krækti í fyrra spjaldið sitt eftir eina mínútu. Þrír samherjar hans bættust í gula liðið síðustu 10 mínútur fyrri hálfleiks. Á 61. mínútu fékk Hamist að líta sitt síðara gula og var því vikið af velli. Brotið átti sér stað innan teigs, Skotinn tók einn heimamanna niður en sá hafði sloppið inn fyrir vörn gestanna. Sennilega hefði verið betra að leyfa kappanum að testa Atla Dag í markinu og vera áfram með ellefu leikmenn á vellinum – en eins og í flestum starfsgreinum þá er auðvelt að vera vitur eftir á í fótboltanum. Sindri fékk því víti en Sigursteinn Hafsteinsson skaut í stöngina en fylgdi sjálfur eftir og skoraði. Sævar Gunnarsson tryggði síðan sigur Sindra með marki á 83. mínútu.
Það gengur efiðlega fyrir lið Tindastóls að finna stöðugleika að lokinni Covid-pásunni en liðið siglir hálfgerða brælu um miðja 3. deild og virðist hafa misst af lestinni sem stoppar í 2. deild. Ætli gamla lumman um einn leik í einu og sjá hverju það skilar eigi ekki við núna?
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.