Feykna stóðréttarhelgi framundan
Um helgina verður mikið um að vera í stóðréttum víða í Skagafirði og í Húnavatnssýslum og er þetta ein stærsta hátíð ársins, að margra mati.
Nú fer hver að verða síðastur til að geta tekið þátt í réttum eða fylgst með því starfi sem þar fer fram. Þar ríkir gjarnan mikil stemning, oft slegið á létta strengi, sungið og skemmt sér og þá getur gleðin staðið langt fram eftir kvöldi.
Réttir í Skagafirði
Um helgina verður Laufskálarétt, eða drottning íslenskra stóðrétta, eins og hún er oft kölluð. Í kringum hana er oftast boðið upp á mikla dagskrá. Í dag, föstudaginn 23. september, verða skeiðkappreiðar kl. 16 á félagssvæði Léttfeta við reiðhöllina. Eftir keppnina verður sölusýning á vegum Hrossaræktunarsambands Skagafjarðar.
Í kvöld verður svo stórsýning og skagfirsk gleði með trúbbastemningu í Reiðhöllinni Svaðastöðum. Þar verður meðal annars boðið upp á stóðhestakeppni, munsturreið og sýningar á upprennandi gæðingum og knöpum.
Réttardagurinn er á morgun, laugardaginn 24. september. Stóðið verður rekið úr Kolbeinsdal til Laufskálaréttar kl. 11:30 en þátttakendur í stóðrekstrinum er bent á að mæta við Laufskálarétt eða við hesthúsið Ástungu kl. 10. Réttarstörf hefjast svo kl. 13.
Laufskálaréttarball verður annað kvöld þar sem Hljómsveitin Von stígur á svið, ásamt fjölda af landsþekktum söngvurum. Eru þau engin önnur en Sigga Beinteins, Magni, Matti, Jogvan og Vignir. Miðaverð er 3000 kr. og aldurstakmark er 16 ár.
Réttir í Húnavatnssýslum
Mikil stemning og fjör verður einnig í réttum í Húnavatnssýslum. Þar verður stóð rekið í Þverárrétt í Vesturhópi (V-Hún) á morgun, kl. 13. Stóðréttir fara einnig fram í Undirfellsrétt í Vatnsdal (A-Hún) á morgun kl. 10 og Auðkúlurétt við Svínavatn (A-Hún) kl. 16.
Fleiri fréttir
-
Arkís arkitektar urðu fyrir valinu með hönnun á menningarhúsi á Króknum
feykir.is Skagafjörður, Listir og menning, Lokað efni 16.07.2025 kl. 16.57Á fundi byggðarráðs Skagafjarðar í morgun var lagt fram bréf frá matsnefnd sem fór yfir tillögur þeirra bjóðenda sem tóku þátt í útboðinu „Menningarhús í Skagafirði – Hönnun nýbyggingar og endurbóta á eldra húsnæði“ ásamt yfirliti yfir mat á tillögum bjóðenda. Tillaga matsnefndar var að á grundvelli matsins verði gengið til samninga við Arkís arkitekta ehf., sem hlaut flest stig m.t.t. valforsendna útboðs fyrir verðtilboð og gæðaþætti.Meira -
Það er örugglega allt þokunni að þakka
feykir.is Skagafjörður, Austur-Húnavatnssýsla, Vestur-Húnavatnssýsla 16.07.2025 kl. 14.39Í fréttum í vikunni var sagt frá því að varað væri við bikblæðingum um land allt. Þegar umferðarkort Vegagerðarinnar er skoðið þá lítur út fyrir, í það minnsta í dag, að engar bikblæðingar geri ökuþórum lífið leitt á Norðurlandi vestra. Eingöngu er varað við steinkasti í Blönduhlíðinni í Skagafirði en þar hefur verið unnið að því að leggja klæðingu á smá kafla á þjóðvegi 1.Meira -
Húnavaka, gleði og fjör
feykir.is Austur-Húnavatnssýsla, Mannlíf, Lokað efni 16.07.2025 kl. 14.20Hin árlega Húnavaka verður haldin á Blönduósi um næstu helgi. Mikið verður um dýrðir og margt í boði. Feykir hafði samband við Kristínu Ingibjörgu Lárusdóttur, Menningar- og tómstundarfulltrúa á Blönduósi og lagði fyrir hana nokkrar spurningar.Meira -
Eldur í Húnaþingi mun loga 22. til 27. júlí
feykir.is Vestur-Húnavatnssýsla, Mannlíf, Lokað efni 16.07.2025 kl. 12.00Eldur í Húnaþingi er árleg hátíð á Hvammstanga sem hóf göngu sína árið 2003. Hátíðin hefur tekið mörgum breytingum frá því hún var fyrst haldin. Fyrst um sinn var hátíðin unglistahátíð. Þá var hún bæði skipulögð og framkvæmd af ungi fólki í Húnaþingi vestra. Með tímanum fékk hátíðin á sig fjölskyldu- og bæjarhátíðarblæ og hefur dagskráin verið breytileg með ári hverju en hún ræðst oftar en ekki af áhugasviði stjórnenda.Meira -
Stólarnir spila í Bikarkeppninni í kvöld
feykir.is Skagafjörður, Íþróttir, Lokað efni 16.07.2025 kl. 11.0816 liða úrslit í Fótbolti.net bikarnum! Norð-vesturliðin verða vonandi á skotskónum.Meira
