Fjölmargir tóku þátt í Fjölskylduhlaupinu
feykir.is
Skagafjörður, Ljósmyndavefur, Mannlíf
11.09.2026
kl. 10.01
Skellt í eina hóp-selfí áður en lagt var í'ann. MYNDIR: ÓAB
Í gær fór fram á Sauðárkróki Fjölskylduhlaup í tilefni af Gulum september en gulur er litur sjálfsvígsforvarna. Hlaupið var frá sundlauginni en einnig máttu þátttakendur ganga eða hjóla. Ágæt þátttaka var í hlaupinu en þó mögulega heldur færri en árið á undan.
„Við erum ánægð með hvernig til tókst og mjög þakklát fyrir þátttöku og jákvæðni samfélagsins gagnvart þessum viðburði,“ sagði Helga Jónína Guðmundsdóttir hjá Kaupfélagi Skagfirðinga þegar Feykir hafði sanband en það voru KS og Vörumiðlun sem stóðu fyrir hlaupinu.
Feykir lofaði þátttakendum í gærdag blíðu og stilltu veðri eftir að hafa kíkt á heimasíðu Veðurstofunnar. Það var reyndar sæmilega hlýtt en nánast um leið og þátttakendur þustu af stað þá fór að rigna og bætti um leið í vind. Þó alls ekki þannig að það væri eitthvað ves.
Ágæt stemning var við sundlaugina áður en hlaupið hófst. Margir mættu klæddir í gulan fatnað. Þá var hægt að kaupa gula boli á staðnum til styrktar Píeta samtökunum og einnig var tekið við frjálsum framlögum á staðnum til styrktar samtökunum. Feykir var á staðnum og smellti nokkrum myndum af hlaupagikkum af ýmsu tagi.
Styðjum Píeta-samtökin
Píeta samtökin eru íslensk frjáls félagasamtök sem vinna að sjálfsvígs- og sjálfsskaðaforvörnum og veita fólki í sjálfsvígshættu, aðstandendum og syrgjendum stuðning. Samtökin byggja starf sitt á hugmyndafræði samnefndra samtaka á Írlandi.
Þeir sem vilja koma að því að styrkja þetta góða málefni geta millifært á reikning Píeta: kt. 410416-0690 / 0301-26-041041
Fleiri fréttir
-
„Ooo, ef ég gæti nú bara farið aftur í tímann og séð hvað hér gekk á“
feykir.is Skagafjörður, Austur-Húnavatnssýsla, Mannlíf, Lokað efni 15.10.2026 kl. 16.01Hvernig var lífið í verbúðum við ysta haf á 12. öld? Hvernig stytti fólk sér stundir þegar enginn var síminn eða sjónvarpið? Undanfarin sumur hefur fornleifarannsókn farið fram í Hafnabúðum á Hjallanesi í landi Hafna á Skaga þar sem umfangsmikil verbúðabyggð hefur verið við sjávarsíðuna. Markmiðið með rannsókninni var að rannsaka líf og starf fólks í gamalli verstöð og hvernig sjávar- og strandauðlindir voru nýttar. Rannsóknirnar benda til þess að starfsemin hafi verið fjölbreytt. Þar fundust meðal annars vísbendingar um fiskveiðar, hvalveiðar, selveiðar, textílvinnu og matargerð. Konur, menn og börn hafa dvalið á staðnum, en ekki eingöngu karlmenn líkt og uppistaðan í seinni tíma hugmyndum um verstöðvar og sjómennsku hefur oft verið.Meira -
Tindastóll – Ármann í kvöld
feykir.is Skagafjörður, Íþróttir, Lokað efni 15.10.2026 kl. 14.35Þá er komið að fyrsta heimaleik hjá Tindastóli í Bónusdeild karla. Mótherjarnir eru kapparnir í Ármanni en þeim er ekki spáð góðu gengi í deildinni. Spekingarnir á karfan.is segja: „Ingvi Þór Guðmundsson er frábær leikmaður. Lið Ármanns að öðru leyti? Neibb, lóðbeint niður eins og staðan er núna.” Þeir segja líka: „Hvernig tekst Tindastóli að leysa verkefnið í Síkinu með ökkla Drunga laskaðan? Getur Ingvi Þór Guðmundsson haldið Ármanni á floti gegn Stólunum og afsannað hrakspárnar?”Meira -
Marktækt meira kolefni í jarðvegi í beitilandi en óbeittu
feykir.is Skagafjörður, Lokað efni 15.10.2026 kl. 12.10Á vef Háskóla Íslands á Hólum er birt mjög svo áhugaverð grein um rannsóknir á kolefnisbindingu í beittu landi og óbeittu. Niðurstöður stangast nokkuð á við það sem haldið hefur verið fram af náttúruverndarfólki sem barist hefur fyrir friðun á landi.Meira -
Páll Óskar heimsækir grunnskólana á Skúnaskralli
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 15.10.2026 kl. 10.44Barnamenningarhátíð Norðurlands vestra, Skúnaskrall – Öll saman, hefst með pompi og prakt 21. október og stendur til 4. nóvember. Meðal viðburða eru hrekkjavökuböll á Hofsósi og Blönduósi, stuttmyndir frá UngRIFF í leik- og grunnskólum, Umskiptingar sýna leikritið um Fóu og Fóu feykirófu en síðast en alls ekki síst þá mun Páll Óskar heimsækja alla grunnskóla landshlutans og syngja fyrir nemendur.Meira -
Norðvesturlandið slapp vel
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.10.2026 kl. 09.30Þá er veðrið sem hefur gengið yfir landið að láta undan síga. Hér um slóðir eru engar sögur um nein meiriháttar tjón. Um tíma höfðu menn varann á sér á Skagaströnd vegna hárrar sjávarstöðu. Sjór gekk eitthvað yfir höfnina en án skaða. Einn smábátur var við það að losna frá bryggju og aðstoðaði björgunarsveitarfólk við að tjóðra hann niður. Að sögn Reynis Lýðssonar formanns björgunarsveitarinnar Strandar var það eina útkallið sem þau fengu.Meira
