Flottur sigur Stólastúlkna á liði Grindavíkur
Það var hörkuleikur í Síkinu í gærkvöldi þegar Stólastúlkur tóku á móti liði Grindavíkur í 1. deild kvenna í körfunni. Leikurinn var allan tímann jafn og spennandi en mesti munurinn á liðunum var átta stig, Grindvíkingum í vil, í upphafi fjórða leikhluta. Stólastúlkur snéru taflinu við í framhaldinu og unnu lokaleikhlutann 21-13 og það dugði til mikilvægs sigurs. Lokatölur 62-59.
Stigavörður hafði það frekar náðugt í fyrsta leikhluta en lið Tindastóls leiddi 9-8 að honum loknum. Lið Grindavíkur náði fljótlega yfirhöndinni í öðrum leikhluta en munurinn var yfirleitt þetta tvö til fimm stig. Staðan í hálfleik 22-27 eftir flautuþrist frá Sædísi Gunnarsdóttir. Marín Lind mætti sjóðheit til leiks í síðari hálfleik og átti stærstan þátt í að koma Stólastúlkum yfir, 30-29, eftir rétt rúma mínútu. Stelpunum gekk brösuglega að koma boltanum í körfu gestanna um miðjan leikhlutann og Grindvíkingar náðu sex stiga forystu, 36-42. Körfur frá Evu Rún og Telmu löguðu minnkuðu muninn í eitt stig en Hulda Ólafsdóttir gerði síðustu fjögur stigin í þriðja leikhluta og staðan 41-46 fyrir Grindavík.
Anna Margrét Lucic Jónsdóttir setti þrist fyrir gestina í byrjun fjórða leikhluta og munurinn átta stig. Eva Wium svaraði að bragði og endurkoma Stólastúlkna hófst. Um miðjan leikhlutann kom Marín Lind þeim yfir með þriggja stiga körfu, 55-53, og Karen Lind bætti öðrum þristi við skömmu síðar og staða Tindastóls orðin vænleg. Eva Rún setti sömuleiðis þrist þegar rúmar þrjár mínútur voru til leiksloka, staðan 61-55, og vörn Stólastúlkna hélt vel það sem eftir lifði leiks. Flottur sigur í höfn.
„Gæti ekki verið stoltari“
Feykir spurði Árna Eggert, þjálfara Tindastóls, að því í morgun hvort þetta hefði verið sæmilegur leikur og svarið lét ekki á sér standa: „Já hann var virkilega flottur. Ég gæti ekki verið stoltari af þeim en ég er akkúrat núna!“
Eva Rún var stigahæst með 20 stig, Marín Lind gerði 16 stig auk þess sem hún skilaði sjö fráköstum og fimm stoðsendingum. Eva Wium var nýstigin upp úr veikindum og hún skilaði 11 stigum en spilaði rétt rúmlega hálfan leik. Þá tók Inga Sólveg tíu fráköst í leiknum. Sennilega má segja að leikurinn hafi unnist á vítalínunni þar sem heimastúlkur nýttu 13 af 15 vítaskotum sínum á meðan gestirnir settu aðeins niður 14 af 25 vítum sínum. Þá unnu Stólastúlkur frákastabaráttuna 49-38 og munar um minna.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.