Frábært Rokland
Kvikmyndin Rokland var forsýnd í Sauðárkróksbíói í gærkvöldi að viðstöddu fjölmennu hjálparliði úr Skagafirði sem kom að gerð myndarinnar með einum eða öðrum hætti og var boðið sérstaklega á sýninguna.
Snorri Þórisson framleiðandi myndarinnar sagði fyrir sýningu að það hefði verið gaman að mynda í Skagafirði og einstakt hvað allir voru hjálpsamir og fljótir til ef eitthvað vantaði eða þurfti að redda.
Gestir kvöldsins skemmtu sér vel, hlógu að skemmtilegum atriðum sem voru mörg hver og tárfelldu þegar þau sorglegu sýndu þann miskunnarlausa heim sem við búum í og er rauði þráðurinn gegnum myndina. Þar þarf Böddi að eiga við misvitra sérfræðinga á öllum stigum þjóðfélagsins og sýnir á einlægan hátt hversu stutt er milli snilligáfu og geðveiki.
Þótt myndin sé á köflum dramatísk er svartur húmorinn alltaf til staðar og aldrei kom dauður kafli með óþarfa atriðum til að þóknast bókinni. Ólafur Darri Ólafsson sem fer með hlutverk Bödda gerir honum frábær skil sem og aðrir leikarar sem sýna snilldartakta í sínum hlutverkum og má segja að myndin sé vel gerð á öllum sviðum hvað varðar tæknileg atriði.
Gaman fannst gestum að sjá umhverfið sem það þekkir í myndinni, hvernig því hefur verið breytt á ýmsan hátt og lagað að myndinni og sköpuðust margslungnar umræður um það eftir sýningu en boðið var til veislu í tilefni forsýningarinnar á Kaffi krók þar sem fólk ræddi um ágæti myndarinnar, um frammistöðu leikara og atriðin sem það sjálft tók þátt í hvort sem þau enduðu í myndinni eða voru klippt út.
Óhætt er að mæla með myndinni og gefur sérlegur bíógagnrýnandi Feykis myndinni fullt hús stiga.
Fleiri fréttir
-
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík við Hvammstanga og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira
