Fyrri áfangi Sundlauglaugar Sauðárkróks opnaður - Myndband
Komið var að langþráðri stund þegar Sundlaug Sauðárkróks var formlega opnuð eftir fyrri áfanga gagngerra endurbóta sem staðið hafa yfir tvö síðustu ár. Miklar breytingar hafa verið gerðar á húsnæðinu þar sem starfsaðstæður og aðgengi eru öll til fyrirmyndar. Sundlaugin er ein af fáum sem státar af sér klefa fyrir þá sem ekki geta nýtt sér almenna karla- eða kvennaklefa en mikil þörf hefur skapast eftir þannig aðstöðu síðustu ár í sundlaugum landsins.
Við athöfnina bauð Sigfús Ingi Sigfússon gesti velkomna og upplýsti að byggingarefnd sundlaugarinnar tók til starfa í janúar 2016 en umræðan um hvað skuli gert varðandi sundlaugina hefur staðið yfir í langan tíma. Fullnaðarhönnun er komin að öðrum áfanga byggingarinnar og stefnt á að hefja framkvæmdir í haust.
Stefán Vagn Stefánsson, formaður byggingarnefndar, rakti framkvæmdasögu laugarinnar, og Knútur Aadnegard, verktaki og eigandi K-Tak, ávarpaði gesti og las m.a. upp bréf sem fannst í innréttingu og innihélt sviðsmynd næsta nágrennis sundlaugarinnar 11. maí 1971 klukkan 9:29. Áður en Knútur skilaði Stefáni Vagni lyklum sundlaugarinnar kallaði hann fulltrúa sunddeildar Tindastóls til sín og afhenti peningaupphæð sem smá sárabót fyrir það rask sem sundiðkendur hafa þurft að þola.
Guðný Axelsdóttir, formaður félags- og tómstundarnefndar, ávarpaði gesti og minnti hún á að Sveitarfélagið Skagafjörður reki fjórar sundlaugar í héraðinu sem teljast mætti gott í ekki stærra sveitarfélagi.
Að endingu var afhjúpað í anddyri sundlaugarinnar minnismerki um Guðjón Ingimundarson, einn af aðalhvatamönnum um byggingu Sundlaugar Sauðárkróks en hann sá um rekstur hennar frá 1957 til ársins 1986 þá búinn að kenna sund í Skagafirði samfellt í 47 ár.
Hönnun beggja áfanga laugarinnar var í höndum Jóns Þórs Þorvaldssonar, Úti Inni arkitektar, og óhætt að fullyrða að vel hafi tekist til með verkið.
Í meðfylgjandi myndbandi má sjá og heyra hvernig til tókst á opnunardeginum.
Fleiri fréttir
-
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.