Fyrsti æfingaleikurinn í körfunni á föstudag
Þá eru körfuboltakempur komnar í startholurnar en fyrsti æfingaleikur haustsins verður annað kvöld á Króknum. Þá mæta Þórsarar úr Þorlákshöfn á parkettið í Síkinu og hefst baráttan kl. 19:15. Að sögn Ingólfs Jóns Geirssonar, formanns körfuknattleiksdeildar Tindastóls, þá eru allir leikmenn komnir í hús og til í slaginn nema Shawn Glover en Ingó vonar að það sé stutt í að hann skili sér í Skagafjörðinn.
Fyrsti leikur Tindastóls í Dominos-deildinni fer fram 1. október nk. en þá mæta Breiðhyltingar í ÍR í Síkið. Þangað til verður talsvert um æfingaleiki samkvæmt upplýsingum Feykis. „Eins og staðan er i dag eru æfingaleikir 11. septemberí Síkinu á móti Þor Þorlákshöfn, 18. september spilum við að heiman gegn Stjörnunni í Garðabæ, þann 21. sept. er leikur í Síkinu gegn Þór Akureyri og 24. september tökum við á móti liði Hattar í Síkin,“ segir Ingó.
Aðspurður um hvaða reglur gildi í Síkinu vegna Covid-19 og sóttvarnareglna segir hann: „Akkúrat núna erum við með leyfi fyrir 200 áhorfendur sem fæddir eru fyrir 2004 með eins meters fjarlægð milli ótengdra aðila, fyrstur kemur fyrstur fær, sami inngangur og venjulega, sjoppa og hamborgarasala. Nóg pláss fyrir alla.“ Ingólfur segir að TindastóllTV sé með í skoðun hvaða æfingaleikir verði sýndir.
Kemur Kristófer Acox á Krókinn? „Kristófer kemur vonandi á Krókinn í vetur til að spila körfubolta.... en því miður ekki í Tindastólsbúning,“ segir Ingó að lokum.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.