Háskólalest Háskóla Íslands mætir í Skagafjörðinn – fjör og fræði fyrir alla
Dagana 16.–18. apríl 2026 heimsækir Háskólalestin Sauðárkrók og býður nemendum, kennurum og íbúum Skagafjarðar upp á fjölbreytta og lifandi dagskrá og kynnir undur vísindanna á lifandi og skemmtilegan hátt.
Háskólalestin ferðast árlega um landið með það að markmiði að gera vísindi og nám aðgengileg og spennandi fyrir fólk á öllum aldri, um leið og tengsl Háskóla Íslands við landsbyggðina eru efld.
Kennarasmiðjur og námskeið fyrir ungmenni
Fimmtudaginn 16. apríl verða haldnar kennarasmiðjur fyrir kennara á svæðinu, þar sem áhersla er lögð á fagþróun og nýjar hugmyndir í skólastarfi.
Föstudaginn 17. apríl taka nemendur í 8.–10. bekk í Árskóla, Varmahlíðarskóla og Grunnskólanum austan Vatna þátt í námskeiðum á vegum Háskólalestarinnar. Hver nemandi situr þrjú námskeið yfir daginn og úrvalið er fjölbreytt. Þar má nefna japönsk fræði, tilraunir í eðlisfræði, blaða- og fréttamennsku, skurðlækningar, vísindi bleikjunnar, hugrekki í hegðun, stjörnufræði, íþrótta- og heilsufræði, skapandi tæknismiðju, sjúkraþjálfun og jafnvel smíði fallbyssu með skotkeppni. Kennslan fer fram í Árskóla.
Opið vísindahús í Árskóla á Sæluviku Skagfirðinga
Laugardaginn 18. apríl kl. 11:00–14:00 verður Opið vísindahús í Árskóla og býður Háskólalestin öll hjartanlega velkomin í sannkallaða vísindagleði fyrir alla fjölskylduna.
Gestir á öllum aldri geta til að mynda prófað styrk sinn og hreyfigetu, kynnst japanskri menningu og origami, saumað í gervihúð líkt og skurðlæknar og séð vatnseldflaugum skotið hátt upp í loft.
Þá er hægt að taka þátt í hreyfiáskorunum með sjúkraþjálfara, fylgjast með fallbyssum í skotkeppni og prófa að taka eigin fréttaviðtöl. Gestir fá tækifæri til að skoða vélmenni og Micro:bit, skapa með FabLab Sauðárkróki, kynnast fræðum Háskólans á Hólum og skyggnast í safnastarf og fornleifar - í fortíð, nútíð og framtíð með Byggðasafni Skagfirðinga.
Aðgangur er ókeypis og engin skráning nauðsynleg.
Í áhöfn Háskólalestarinnar er fræðafólk úr fjölbreyttum greinum Háskóla Íslands og hefur ferðast um landið frá árinu 2011 og hefur hlotið Vísindamiðlunarverðlaun Rannís. Nánari upplýsingar má finna á haskolalestin.hi.is og á Facebook-síðu Háskólalestarinnar.
Fleiri fréttir
-
Svona er körfuboltinn
feykir.is Skagafjörður, Íþróttir, Lokað efni 09.04.2026 kl. 16.17Lið Tindastóls féll úr leik í úrsitakeppnin Bónus deildar kvenna í körfubolta í gærkvöld eftir að lið Njarðvíkur stal sigrinum á lokasekúndunni. Víti sem fór óvart niður hjá liði Tindastóls skipti sköpum og Njarðvíkingar nýttu sér færið sem það, að leikurinn stöðvaðist þegar 1,2 sekúnda var eftir. gaf þeim. Úrslitin voru mikil vonbrigði fyrir Stólastúlkur, þjálfarateymið og stuðningsmenn liðsins. Feykir heyrði í Israel Martin þjálfara nú fyrir hádegi og byrjaði á að spyrja hvað sé hægt að segja eftir svona leik.Meira -
Hulda Jónasar á Ljúflingshól
feykir.is Skagafjörður, Listir og menning, Lokað efni 09.04.2026 kl. 12.30Hin skagfirsk ættaða Hulda Jónasdóttir hefur á síðustu árum staðið fyrir ýmsum tónlistar viðburðum sem notið hafa vinsælda. Fyrir síðustu jól stóð hún fyrir tónleikum í Norðurljósasal Hörpu þar sem flutt voru jólalög Geirmundar Valtýssonar við góðan orðstír. Nýjasta verkefnið er dagskrá þar sem flutt eru lög og textar Jóns Múla og Jónasar Árnasona.Meira -
Silfrastaðakirkja hugar að heimferð
feykir.is Skagafjörður, Mannlíf, Lokað efni 09.04.2026 kl. 10.55Eins og margir vita hefur Silfrastaðakirkja dvalið á Sauðárkróki síðan haustið 2021 og er orðin eitt af kennileitum bæjarins þar sem hún stendur norðan við trésmiðjuna Ýr. En það góða fyrirtæki hefur haft veg og vanda af viðgerðum á kirkjunni. Núna hillir undir að þetta guðshús geti lagt af stað heim til sín aftur.Meira -
Að fara vel með sameiginlega fjármuni? | Hjalti Þórðarson skrifar
feykir.is Skagafjörður, Aðsendar greinar 09.04.2026 kl. 10.16Nú styttist í sveitastjórnarkosningar mörgum til mikillar gleði en öðrum ekki. Tilvonandi sveitastjórnarfulltrúar fara sjálfsagt að hugsa sér til meiri hreyfings með kynningu á stefnu og málefnum. Ekki þarf að efast um að loforðaflaumurinn verður mikill eins og endranær.Meira
