Héraðsvötnin brutu sér leið yfir varnargarð rétt framan Stokkhólma - Myndband
Betur fór en á horfðist er Héraðsvötn í Skagafirði fóru að flæða yfir varnargarð framan við Stokkhólma og ógnuðu bæði hrossum og byggingum. Brugðust ábúendur fljótt við og fengu verktaka til að fylla í skarðið svo ekki hlytist skaði af.
Að sögn Önnu Sigríðar Sigmundsdóttur og Einars Ólafssonar, eigenda Stokkhólma, varð fyrst vart við flóðið á mánudag í síðustu viku. Bróðir Önnu hefur litið efir hrossunum á bænum og varð þess áskynja að Vötnin væru að renna í átt að hrossunum sem voru skammt austan íbúðarhússins. Hafði hann gefið daginn áður og þá allt eins og átti að vera. Anna segir hólfið sem hrossin voru í alltaf verið öruggt þau ár sem þau Einar hafi átt jörðina. „Vatnið var komið ofan í skurð sem ekki hefur gerst áður og flætt yfir og komið hingað heimundir,“ sagði Anna er Feykir tók hús á þeim hjónum fyrir helgi. „Við erum búin að vera hér í 23 ár og svona lagað ekki gerst í okkar tíð. Vötnin hafa flætt en það er varnargarður meðfram túninu sem hefur haldið að mestu leyti. Það hefur aðeins komið vatn á túnin en ekki svona mikið,“ segir hún.
Einar segir að þau hafi hringt í vin og haft samband við Svein Árnason hjá Víðimelsbræðrum sem brást skjótt við og mættu tækjamenn með stórvirkar vinnuvélar til að laga varnargarðinn.
Meðfylgjandi drónamyndband tók Jóhann Ingi Haraldsson af svæðinu sl. föstudag.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
