Hláturmildir kórdrengir slógu í gegn
Þrettándahátíð Karlakórsins Heimis var haldin fyrir nær fullu húsi laugardaginn 8. janúar 2011. Kenna mátti talsverða eftirvæntingu bæði hjá kórmönnum og gestum fyrir þessum fyrstu tónleikum Heimis og Helgu Rósar, stjórnanda kórsins.Textinn er fenginn að láni á heimasíðu Heimis.
" Ekki var annað að heyra á viðtökum tónleikagestanna en að vel hafi tekist. Við kórdrengir hylltum nýja stjórnandann ákaft í lokin ásamt kátum áheyrendum.
Kórinn söng 17 lög af ýmsum gerðum, allt frá fornum íslenskum þjóðlögum, með viðkomu í íslenskum karlakóralögum, vínarrómantík og Jóni frá Hvanná til háreystra óperukóra. Í lokin söng kórinn Nú árið er liðið og mátti víða sjá tár blika á hvarmi í salnum hvort sem um hrifningu var að ræða eða eymsli í lófum eftir klappið.
Harmonikkusnillingurinn Jón Þorsteinn Reynisson lék með í mörgum lögum. Einna áhrifaríkastur þótti leikur hans í Pílagrímakór Wagners þar sem hann innleiddi flutninginn með eigin útsetningu á kórnum. Jón flutti líka tvö einleiksverk í sönghléinu og uppskar dynjandi lófatak gesta.
Heiðursgesturinn, Guðni Ágústsson, flutti ræðu kvöldsins og fór á kostum að vanda. Strauk hann Skagfirðingum með hárunum , hyllti jöfnum höndum skagfirska efnahagsundrið og hestinn og taldi Evrópusambandið fullsæmt að ganga í Skagafjörð. Hann nýtti sér til hins ýtrasta fengið frelsi hins fyrrverandi stjórnmálamanns, hafði mörg sverð á lofti og hjó til allra handa en skildi engin sár eftir óplástruð. Þakkaði Guðni Skagfirðingum hollustu við sig. Nefndi sem dæmi að Árni á Marbæli hefði fengið 3 ævisögur sínar í jólagjöf, engri skilað en lesið þær allar og þótt sú síðasta langbest.
Eftir ræðuna mátti greinilega merkja að móður rann nokkuð af annars hressum kórkynni, sem ræðumaður nefndi raunar veislustjóra. Heldur var ekki laust við að söngmenn ættu í nokkrum erfiðleikum með þindaröndun eftir hláturskrampana. En dragsúgur Guðna fleytti kórstuðinu og stórgóðri stemmingu í salnum allt til enda.
Að tónleikum loknum var stuð á balli með Geirmundi og skemmtu menn sér hið besta fram eftir nóttu"
Fleiri fréttir
-
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira
