Hvernig væri að miða laun þingmanna við laun forseta ASÍ?
Eins og flestir ættu að kannast við hækkaði Kjararáð þingfararkaup alþingismanna um tæp 45 prósent nú um mánaðarmót eða alls um 338.254 krónum á mánuði. Hækka laun þeirra þá úr 762.940 krónur á mánuði í 1.101.194 krónur. ASÍ krefst þess að ákvörðun kjararáðs verði dregin til baka því annars verður óstöðugleiki og upplausn á vinnumarkaði í boði Alþingis.
Það eru fleiri sem njóta úrskurðar Kjararáðs að þessu sinni því frá og með 1. nóvember 2016 skulu laun forsætisráðherra að meðtöldu þingfararkaupi vera 2.021.825 krónur á mánuði en laun annarra ráðherra að meðtöldu þingfararkaupi 1.826.273 krónur á mánuði. Forseti Íslands fær svo 2.985.000 krónur í laun á mánuði eftir úrskurð Kjaranefndar.
Sitt sýnist hverjum um þessa hækkun helstu ráðamanna landsins og hafa menn skipst á skoðunum á samfélagsmiðlum. Gunnar Bragi Sveinsson segir á Fésbókarsíðu sinni að launahækkun alþingismanna sé mikil og afar óheppilegt að laun hækki svona mikið í einu. Hann telur að Kjararáð þurfi að endurskoða vinnubrögð sín og taka launaþróun oftar til skoðunar.
Þá segir Gunnar: „Að þessu sögðu þá tel ég að laun þingmanna hafi verið of lág, séu kannski að verða sanngjörn eftir þessar breytingar. Þingmenn og fjölskyldur þeirra þekkja að þingmenn eru í vinnunni alla daga ársins allan sólarhringinn. Forsvarsmenn launþegahreyfinga gagnrýna þessa hækkun sem er nokkuð skondið því amk. sumir þeirra eru með svipuð laun eða hærri! Hvernig væri að laun þingmanna tækju t.d. mið af launum forseta ASÍ?“ Þar vísar Gunnar í frétt á DV frá því í janúar 2014 þar sem segir að verkalýðsforkólfar fái hundruð þúsunda króna launahækkun.
Á heimasíðu Kjararáðs má sjá að alls 18 úrskurðir hafa verið kveðnir upp hjá ráðinu um laun hinna ýmsu starfsmanna ríkisins á árinu 2016. Hér eru nokkur dæmi um mánaðarlaun en þá vantar þær einingar sem bætast við fyrir alla yfirvinnu er starfinu fylgir.
Frá og með 1. janúar 2016 skulu mánaðarlaun ríkissaksóknara 1.292.529 krónur.
Mánaðarlaun ráðuneytisstjóra forsætisráðuneytis skulu vera samkvæmt launatöflu kjararáðs 1.339.043 krónur. Mánaðarlaun annarra ráðuneytisstjóra skulu vera samkvæmt launatöflu kjararáðs 1.294.693 krónur.
Frá og með 1. janúar 2015 skulu mánaðarlaun ríkislögreglustjóra vera samkvæmt launaflokki 1.094.455 krónur.
Frá og með 1. janúar 2015 skulu mánaðarlaun landlæknis vera samkvæmt launatöflu kjararáðs 1.094.455 krónur.
Frá og með 1. janúar 2016 skulu mánaðarlaun forstjóra Útlendingastofnunar vera samkvæmt launatöflu kjararáðs 957.296 krónur..
Frá og með 1. janúar 2016 skulu mánaðarlaun forstjóra Barnaverndarstofu vera samkvæmt launatöflu kjararáðs 957.296 krónur.
Frá og með 28. október 2015 skulu mánaðarlaun héraðssaksóknara vera 1.170.443 krónur.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
