Ingvar Óli Sigurðsson maður ársins 2014 á Norðurlandi vestra
Ingvar Óli Sigursson hefur verið útnefndur Maður ársins á Norðurlandi vestra af lesendum Feykis. Í þeim fjölmörgu tilnefningum sem hinn 12 ára gamli Ingvar Óli fékk var hann sagður hafa brugðist hárrétt við þegar móðir hans fékk heilablæðingu á heimili þeirra í júlí sl. Mæðginin voru ein heima þegar atvikið átti sér stað, ásamt yngsta bróður Ingvars sem þá var 3 ára. Ingvar Óli er sonur Hrefnu Samúelsdóttur frá Hvammi á Barðaströnd og Sigurðar Björns Gunnlaugssonar frá Nípukoti í Víðidal.
Blaðamaður Feykis heimsótti fjölskylduna á Hvammstanga í upphafi vikunnar til að færa unga manninum blómvönd af tilefninu, Ingvar Óli tók þakklátur á móti blómvendinum og viðurkenningarskjalinu en hann var augljóslega snortinn yfir útnefningunni og kom fyrir sjónir sem hógvær og afskaplega vel gerður ungur maður.
Tilefni þess að Ingvar Óli var útnefndur maður ársins er atvik sem átti sér stað um kl. 22 þann 22. júlí síðast liðinn. Hrefna, Ingvar Óli og Hafþór Ingi yngsti bróðirinn voru nýkomin inn eftir hafa verið að skreyta húsið fyrir Unglistahátíðina Eldur í Húnaþingi sem hófst degi síðar. En á Hvammstanga, líkt og víða annarsstaðar, tíðkast að skreyta hverfi bæjarins eftir litum fyrir viðkomandi bæjarhátíð.
„Ég var að horfa á sjónvarpið með Hafþóri litla bróður mínum. Svo bað mamma mig um að koma og þá sá ég að hún lá á gólfinu. Ég spurði hana hvað ég ætti að gera og hún sagði mér að hringja í 112,“ rifjar Ingvar Óli upp er hann hefur frásögn sína.
Hann segist hafa miðlað þeim upplýsingum sem mamma hans vildi koma áleiðis til neyðarvarðarins hjá Neyðarlínunni og lýst fyrir honum hvað var að gerast. „Ég sagði allt sem mamma sagði mér að segja, að hún væri að svitna og svoleiðis. Svo sagði hann mér að hringja í einhvern sem gæti komið fljótlega og að sjúkrabíllinn væri á leiðinni,“ útskýrir Ingvar Óli. Sjúkrabíllinn kom og sótti Hrefnu en eftir beið Ingvar Óli með litla bróður sínum.
Ingvar Óli, Hrefna og Sigurður eru í ítarlegu viðtali í Feyki sem kom út í dag og segja sögu sína af þessum afdrifaríka degi.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
