KFÍ engin fyrirstaða og tvö stig í hús Stólarnir komnir í 7. sætið
Ísfirðingar í KFÍ og Tindastólsmenn mættust í Síkinu á Sauðárkróki í kvöld. Leiknum seinkaði um klukkustund þar sem bæði dómurum og liði KFÍ seinkaði vegna slæms veður á leið þeirra á Sauðárkrók. Gestirnir mættu 10 til leiks og þar af tveir nýjir leikmenn þeir Richard McNutt og Marco Milicevic. Richard komst í byrjunarliðið ásamt Darco Milosevic, Nebojsa Knezevic, Carl Josey og Craig Schoen. Hjá heimamönnum voru það Rikki, Kiki, Hayward, Helgi Rafn og Sean sem hófu leik.
Liðin virkuðu smá ryðguð í byrjun leiks og Stólarnir skutu mikið fyrir utan og virtust nokkuð hræddir við stóru mennina hjá gestunum. KFÍ skoruðu fyrstu tvö stig leiksins, en það var reyndar í eina skiptið sem þeir höfðu forystu í leiknum. Stólarnir fóru að hitta betur og sækja meira inn í teig og sigu framúr. Tindastóll leiddi með 4 stigum eftir fyrsta leikhluta 21 – 17. Darco Milosevic var heitur í upphafi fyrir gestina, en það var sömuleiðis Friðrik Hreinsson fyrir heimamenn.
Stólarnir héldu áfram að auka smátt og smátt við muninn í öðrum leikhluta og náðu mest 16 stiga forskoti í stöðunni 40 – 24. Tilþrif leiksins komu í leikhlutanum þegar Helgi Rafn Tindastólsmaður stal tveimur boltum með 15 sekúnda millibili og tróð þeim báðum af krafti. Gestirnir náðu að rétta hlut sinn aðeins í lok hálfleiksins með því að skora átta síðustu stig hans og minnkuðu muninn í 8 stig. Staðan í leikhléi 40 – 32.
Heimamenn héldu svo þægilegu forskoti allan síðari hálfleik. Voru 15 stigum yfir eftir þriðja leikhluta, 61 – 46. Þeir sigldu síðan öruggum 14 stiga sigri í höfn, 85 – 71. Hayward Fain vaknaði til lífsins hjá Stólunum í síðari hálfleik og setti alls 19 stig í leiknum, tók 14 fráköst og sendi 6 stoðsendingar. Stigahæstur var hinsvegar Friðrik Hreinsson með 25 stig, þar af 5 þrista. Svavar, Kiki og Helgi Rafn skiluðu ágætis leik, en Sean lét lítið fara fyrir sér og var aðeins með 2 stig.
Hjá KFÍ var Darco Milosevic með 18 stig og þá kom Marco Milicevic, annar nýji maðurinn, nokkuð sterkur inn með 13 stig og 8 fráköst. Þá átti Carl Josey góðan leik með 14 stig.
Nýju mennirnir hjá KFÍ koma örugglega til með að styrkja liðið í næstu leikjum, en framundan er erfið barátta hjá liðinu miðað við frammistöðuna í kvöld. Heimamenn hafa verið betri en í þessum leik, en sigur er sigur og tvö stig bættust við í sarpinn. Tindastóll færði sig upp um eitt sæti með sigrinum, eru komnir í það sjöunda en gestirnir er enn neðstir.
Stigaskor Tindastóls: Rikki 25, Hayward 19, Kiki 13, Svavar 12, Helgi Rafn 9 (10 fráköst), Halli 3, Sean 2 og Helgi Freyr 2.
KFÍ: Darco 18, Carl 14, Marco 13, Craig 8, Richard 7, Nebosja 7 og Ari 4.
Dómarar: Sigmundur Már Herbertsson og Georg Andersen og voru ekki í vandræðum með þetta segir á heimasíðu Tindastóls en í stúkunni voru áhorfendur á því að Georg Andersen hafi verið í töluverðum skrefavandræðum enda dansaði hann fyrst á réttunni í tíma og ótíma.
Þá hrækti leikmaður KFÍ á gólfið er afar leiðinleg framkoma sem ekki á að sjást í íslenskum körfubolta.
Fleiri fréttir
-
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira
