Klakkur vekur mikla athygli í gömlu heimahöfninni
Töluverð umferð hefur verið við Sauðárkrókshöfn að undanförnu og segir á heimasíðu Skagafjarðarhafna að auk skipa Fisk Seafood hafi Klakkur ÍS-903 lagt að bryggju á Króknum en hann veiðir nú rækju fyrir Dögun. Hjá smábátunum hefur verið mokveiði af grásleppu þar sem af er vertíðinni. Um miðjan mánuðinn kom svo hvert gámaskipið eftir annað með ýmsan varning svo lá við umferðaröngþveiti við hafnarkjaftinn.
Það gladdi marga að sjá gamlan kunningja þegar Klakkur lagðist að bryggju á dögunum þrátt fyrir breytt útlit. Eins og að framan greinir stundar Klakkur rækjuveiðar fyrir Dögun en Tjaldtangi ehf. á Ísafirði er eigandi skipsins sem skráð er með heimahöfn á Flateyri.
Samkvæmt upplýsingum á skipamyndir.com hét Klakkur, sem smíðaður var árið 1977 í Gdynia í Póllandi, í um stuttan tíma Ísborg II ÍS 260 eftir að hafa verið Klakkur SK 5 en hann hefur einnig borið einkennisstafina SH 510 og VE 103.
Skemmtiferðaskip væntanleg í sumar
Skagafjörður hefur hingað til ekki verið meðal áningastaða stærri skemmtiferðaskipa en nú gæti orðið breyting á því þrjú fley hafa boðað komu sína í sumar. MS Serenissima, sem væntanlega telst til smærri skemmtiferðaskipa, er væntanlegt í seinni hluta júní, World Explorer, sem mælist um 126 metra langt kemur í þriðju viku ágústsmánaðar og The World, sem er nær 200 metrum hefur boðað komu sína í byrjun september.
Þá má sjá á heimasíðu Skagafjarðarhafna að fimm skemmtiferðaskip eru skráð á Sauðárkróki árið 2022 og fjögur 2023.
Fleiri fréttir
-
Lagt til að kosið verði um sameiningu 28. nóv til 13. des
feykir.is Vestur-Húnavatnssýsla 13.09.2025 kl. 21.58Samráðsnefnd um sameiningu Dalabyggðar og Húnaþings vestra hefur samþykkt samhljóða að leggja til við sveitarstjórnir sveitarfélaganna að íbúakosning um tillögu um sameiningu fari fram dagana 28. nóvember til 13. desember næstkomandi og að kosningaaldur miðist við 16 ár.Meira -
Gaman að setja niður bösserþrist
feykir.is Skagafjörður, Íþróttir, Lokað efni 13.09.2025 kl. 10.54Júlía Marín Helgadóttir var íþróttagarpur Feykis í tbl. 18 á þessu ári en hún er fædd á því fallega ári 2011 sem þýðir að hún er ein af þeim krökkum sem fermdust sl. vor í Sauðárkrókskirkju. Júlía Marín býr í Ártúninu á Króknum og var með veisluna heima hjá sér og bauð frekar mörgum, eins og hún orðar það sjálf, þar sem gestir gæddu sér á sushi og sætabrauði. Feykir hafði samband við Júlíu Marín því hún hefur, ekki bara einu sinni eða tvisvar heldur mörgum sinnum, orðið Íslandsmeistari í badminton og því tilvalið að senda henni íþróttagarpsspurningarnar og auðvitað var hún til í að svara þeim.Meira -
Kjúklingasalat og rabarbarapæ | Matgæðingur Feykis
feykir.is Austur-Húnavatnssýsla, Í matinn er þetta helst, Lokað efni 13.09.2025 kl. 09.38Matgæðingur vikunnar í tbl. 20 var Helena Mara Velemir sem er búsett á Skagaströnd og starfar sem matreiðslumaður á Harbour restaurant & bar. Helena býr með honum Elvari Geir Ágústssyni sem starfar sem háseti á Þerney. „Við erum bæði fædd og uppalin á Skagaströnd. Saman eigum við hundinn Mola og síðan á ég á eina dóttir fyrir hana Láreyju Maru.“Meira -
Það var gott að alast upp í Svartárdal
feykir.is Austur-Húnavatnssýsla, Lokað efni 13.09.2025 kl. 09.00Óskar Eyvindur Óskarsson er fæddur og uppalinn á Steiná 2 í Svartárdal, sonur hjónanna Herdísar og Óskars og næst yngstur fimm systkina. Óskar býr ásamt konu sinni Kristínu Birnu og börnum þeirra Sveinbirni Óskari og Helenu Kristínu í sambýli við foreldra Óskars. Feykir setti sig í samband við Óskar yngri bóndann á Steiná 2 og spjallaði um lífið í dalnum.Meira -
Áætluð eyðsla 1,2 milljarður á ferðalagi um Norðurland
feykir.is Skagafjörður, Austur-Húnavatnssýsla, Vestur-Húnavatnssýsla 12.09.2025 kl. 13.39Ferðamenn sem komu með easyJet til Akureyrar veturinn 2023-2024 eyddu 493 milljón krónum á ferðalögum um Norðurland, samkvæmt skýrslu sem var birt á vef Ferðamálastofu í gær. Miðað við sömu forsendur og voru notaðar í skýrslunni, má áætla að veturinn 2024-2025 hafi heildareyðslan verið ríflega 1200 milljónir króna.Meira
