KS veitir sveitarfélögunum í Skagafirði 200 milljón króna styrk til samfélagslegra verkefna

feykir.is Skagafjörður, Fréttir 07.07.2021 kl. 15.54
Við undiritun í dag. Mynd: SMH
Við undiritun í dag. Mynd: SMH

Kaupfélag Skagfirðinga greindi frá því við athöfn í dag sem fram fór í Húsi frítímans á Sauðárkróki, að fyrirtækið hefur ákveðið að veita sveitarfélögunum í Skagafirði sérstakt framlag til samfélagslegra verkefna í Skagafirði sem hljóðar upp á 200 milljónir króna.

Kaupfélagið gerði eftirfarandi bókun á fundi sínum þann 1. júlí 2021 og las Þórólfur Gíslason, kaupfélagsstjóri, hana upp fyrir viðstadda.

Kaupfélag Skagfirðinga samþykkir að leggja fram krónur 200 milljónir á næstu tveimur árum til samfélagslegra verkefna í Skagafirði. Þessar 200 milljónir eru hugsaðar sem stuðningur við verkefni á vegum sveitarfélaga í Skagafirði, sem ætluð eru til að bæta búsetugæði í héraði, m.a. með því að leggja og bæta göngustíga, malbika sérstök svæði, fjölga útivistarsvæðum, byggja upp skíðasvæði í Tindastóli, bæta félagsaðstöðu íbúa, og margt annað hvað varðar umhverfi og búsetugæði almennt í héraðinu. Með þessu m.a. vill fyrirtækið undirstrika samfélagslega ábyrgð sína og skapa sem bestar aðstæður og umhverfi fyrir íbúa Skagafjarðar.
 

Fulltrúar Kaupfélagsins; Bjarni Maronsson, stjórnarformaður og Herdís Sæmundardóttir varaformaður, og fulltrúar Sveitarfélaganna; Sigfús Ingi Sigfússon, sveitarstjóri sveitarfélagsins Skagafjarðar og Hrefna Jóhannesdóttir, oddviti Akrahrepps, skrifuðu síðan undir staðfestingu á þessu framlagi. Aldís Hafsteinsdóttir, formaður Sambands íslenskra sveitarfélaga og Halldór Benjamín Þorbergsson, framkvæmdastjóri Samtaka atvinnulífsins veittu staðfestingunni vottun sína en þeim var sérstaklega boðið í Skagafjörð af þessu tilefni. Karl Björnsson var einnig viðstaddur undirritunina en hann er framkvæmdastjóri Sambands íslenskra Sveitarfélaga.

Þórólfur Gíslason sagði í tölu sinni að Kaupfélag Skagfirðinga hefur boðið gæfu til þess að vera tiltölulega efnahagslega öflugt og með góðan rekstur.
"Við viljum sýna það með þessu eins og ýmsu öðru, að við viljum byggja upp öflugt skagfirskt samfélag og við viljum fyrst og síðast eiga gott samstarf við alla sem að byggja þetta hérað og við viljum sýna að það skiptir Kaupfélagið miklu máli að vel takist til."

 
 

/SMH

 

 

Til baka

Fleiri fréttir

  • Íslandsmeistarinn Vignir Vatnar kampakátur. MYND AF RÚV.IS

    Vignir Vatnar varð Íslandsmeistari í skák

    feykir.is Austur-Húnavatnssýsla, Íþróttir, Lokað efni 22.06.2025 kl. 17.10 oli@feykir.is
    Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.
    Meira
  • Inni í rauða hringnum sést hvernig leikmaður Þróttar stillir sér upp fyrir framan Abdelhadi og ögrar honum á meðan aðrir félagar hans fagna sigurmarkinu. SKJÁSKOT AF AÐDÁENDASÍÐU KORMÁKS

    Vogamenn buðu upp á dýfu á Vogaídýfuvelli

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58 oli@feykir.is
    Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.
    Meira
  • Kolbeinn Tumi gerði annað mark Tindastóls í leiknum en hann er búinn að setja sex í sumar. MYND: SIGURÐUR INGI

    Vaskir Stólar í veseni í Vesturbænum

    feykir.is Skagafjörður, Íþróttir, Lokað efni 22.06.2025 kl. 12.03 oli@feykir.is
    Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.
    Meira
  • Kristín ásamt þeim mæðgum, Olil og Brynju Amble.

    Sögusetur íslenska hestsins bætir við nýrri sýningu.

    feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00 bladamadur@feykir.is
    Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.
    Meira
  • Svona var ástandið í Skagafirði klukkan eitt eftir miðnætti. Það er ekkert hægt að kvarta yfir þessu. MYND: ÓAB

    Fín veðurspá fyrir helgina

    feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00 oli@feykir.is
    Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.
    Meira
Yfirlit frétta