Landbúnaðarráðherra keyrði dýrum á kjörstað í dag
Það var nóg að gera hjá íbúum Hálsaskógar í dag því allir kusu þeir tvisvar í dag og sumir þeirra þrisvar. Í þriðja skiptið fengu sum þeirra far með Gunnari Braga Sveinssyni landbúnaðarráðherra á kjörstað.
Leikfélag Sauðárkróks sýnir um þessar mundir leikritið Dýrin í Hálsaskógi og eins og flestir vita er kosið þar um lögin frægu sem Marteinn skógarmús setti saman. Í dag voru tvær sýningar á verkinu og því þurftu dýrin að kjósa tvisvar um lögin. Þegar seinni sýningunni lauk dreif leikhópurinn sig á kjörstað þar sem kosið er til Alþingis og kusu þá sumir í þriðja skiptið í dag. Svo vel vildi til að Gunnar Bragi Sveinsson landbúnaðarráðherra var staddur í Bifröst til að sækja son sinn, sem tekur þátt í uppsetningunni, og var hann að sjálfsögðu munstraður sem bílstjóri einhverra dýranna. Engar sögur fóru af því að hann reyndi að hafa áhrif á það hvað dýrin kysu en Patti broddgöltur kvartaði þó sáran undan því hversu ósanngjörn lögin hans Marteins væru. Þau eru einföld og ætti að mati Marteins að fara inn í stjórnarskrá Íslands en þau hljóma þannig:
1.grein. Öll dýrin í skóginum eiga að vera vinir.
2.grein. Ekkert dýr má borða annað dýr.
3.grein. Sá sem er latur og nennir ekki að afla sér matar, má ekki taka mat frá öðrum.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
