Lárus Ástmar Hannesson nýr formaður LH
Lárus Ástmar Hannesson frá hestamannafélaginu Snæfellingi er nýr formaður Landssambands hestamannafélaga. Þrjú framboð bárust til formennsku samtakanna, frá Lárusi Ástmar Hannessyni, Stefáni G. Ármannssyni, Dreyra og Kristni Hugasyni frá Spretti en Kristinn dró framboð sitt tilbaka.
Formannskosningar fóru fram í morgun, á seinni hluta Landsþings hestamanna í Reykjavík, en skemmst er að minnast að þinginu, sem fram fór á Selfossi um miðjan október, var slitið eftir að Haraldur Þórarinsson ákvað að segja af sér og öll stjórnin fylgdi í kjölfarið.
Á landsþinginu í morgun var Lárus kjörinn af þingfulltrúum félaganna með 88 greiddum atkvæðum, Stefán Ármannsson hlaut 62 atkvæði og 4 seðlar voru auðir.
Á þinginu var einnig kosin ný stjórn LH sem mun skipa stjórnina næstu tvö árin. Hana skipa; Ólafur Þórisson, Geysi (88 atkvæði), Stella Björg Kristinsdóttir, Spretti (96), Jóna Dís Bragadóttir, Herði (141 atkvæði), Haukur Baldvinsson, Sleipni (102), Andrea Þorvaldsdóttir, Létti (85) og Eyþór Gíslason, Glað (137 atkv.) og sem fyrr segir er Lárus Á. Hannesson formaður.
Í varastjórn voru kosin í eftirfarandi röð, samkvæmt fjölda atkvæða: Helga B. Helgadóttir, Fáki, Rúnar Þór Guðbrandsson, Herði, Sigurjón Rúnar Bragason, Fáki, Hrönn Kjartansdóttir, Herði og Petra Kristín Kristinsdóttir, Sindra.
„Við þurfum að finna leiðir til að negla þetta til framtíðar“
Í viðtali við Hestafréttir segir Lárus hið nýja embætti leggist vel í hann og að spennandi tímar séu framundan. Hann segist finna fyrir góðum anda á þinginu, verið sé að skipa nýja áhöfn og að honum sýnist allir ætli að róa í sömu átt.
Lárus segist fyrst og fremst ætla að leggja áherslu á sameiningu og samvinnu innan LH - markmiðið sé að vinna meira saman og að hafa gaman af þessu. „Við þurfum að hugsa um meira en bara Landsmót, hestamennska er svo stórt og víðtækt sport og áhugamál, við verðum að sinna því líka,“ segir Lárus í samtali við Hestafréttir.
Aðspurður um staðsetningu á næsta Landsmóti hestamanna segir hann að það sé mál sem verði að lenda og finna lausn á. Það hafi tekið of mikla orku og að of neikvæð umræða hafi skapast í kringum landsmótið sem hafi skapað sundurlyndi á meðal félaga LH. „Við þurfum að finna leiðir til að negla þetta til framtíðar,“ segir hann.
Að neðan má sjá viðtal Hestafrétta við hinn nýkjörna formann.
http://youtu.be/xb0T6Gbtc0Y
Heimildir: Isibless.de og Hestafréttir.is
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
