Menntamálaráðherra opnar stærstu sögu- og menningarsýndarveruleikasýningu (VR) á Norðurlöndum - Sýningin 1238 : Baráttan um Ísland opnar á Sauðárkróki
Lilja D. Alfreðsdóttir mennta- og menningarmálaráðherra opnar sýndarveruleikasýninguna 1238: Baráttan um Ísland á morgun, föstudaginn 14. júní, við hátíðlega athöfn í Aðalgötu 21 á Sauðárkróki. Auk Lilju verða þau Þórdís Kolbrún Reykfjörð Gylfadóttir, ferðamála- og nýsköpunarráðherra og Ásmundur Einar Daðason, félags- og barnamálaráðherra, viðstödd og munu ýta sýningunni í sameiningu formlega úr vör.
Sýningin fjallar um þau miklu átök sem voru hér á landi á þrettándu öld og kennd eru við Sturlunga. Þá logaði landið í illdeilum sem brutust fram í stórum orrustum, sem flestar fóru fram í Skagafirði.
Auk hefðbundinna leiða til miðlunar nýtir sýningin nýjustu tækni til að miðla sögunni til gesta sinna. Sýningin er stærsta sýndarveruleika- (e. Virtual Reality) og viðbótarveruleikasýning (e. AR/MR) sinnar tegundar í heiminum og ekki fordæmi fyrir miðlun sögu nokkurrar þjóðar með þessum hætti. Sýningin verður því leiðandi í að tvinna saman söguna og nýjustu tæknilausnir á heimsmælikvarða. RVX Studios hefur yfirumsjón við þróun þessara lausna og verður sýningin m.a. fyrst allra í Evrópu til að nýta sér 360° Ultra HD skjá til miðlunar, en hann var fluttur sérstaklega hingað til lands fyrir sýninguna.
Um er að ræða óvenju stóra fjárfestingu í afþreyingarferðaþjónustu hérlendis, sérstaklega utan Suður- og SV lands, en heildarkostnaður við uppgerð á húsnæði og uppsetningu sýningar verður á bilinu 6-700 milljónir þegar henni verður að fullu lokið. Sýningunni er ætlað að vera mikil lyftistöng fyrir ferðaþjónustuna í Skagafirði og styrkja Skagafjörð sem áfangastað fyrir ferðafólk. Þá mun verkefnið skapa um 20 ný störf á svæðinu, auk afleiddra starfa þegar það verður komið í fulla virkni. Nú þegar hafa ferðaþjónustuaðilar sýnt verkefninu mikinn áhuga og til að mynda munu skemmtiferðaskip leggja leið sína í Skagafjörðinn á komandi sumri.
Auk sýningarinnar verða í húsnæði hennar veitingahús sem byggir á mat úr héraði, minjagripaverslun og upplýsingamiðstöð fyrir ferðafólk. Alls nýtir verkefnið rúmlega 1.000 m2 húsnæði sem áður hýsti m.a. verslun, skrifstofur og mjólkursamlag KS. Sveitarfélagið Skagafjörður á nú húsnæðið og stendur straum af endurbótum þess.
Húsið opnar klukkan 15.00, allir eru velkomnir til að skoða sýninguna og mun formleg opnun fara fram klukkan 16.00. Sýningin opnar svo í fullum rekstri laugardaginn 15. júní.
Allar frekari upplýsingar veitir Áskell Heiðar Ásgeirsson framkvæmdastjóri 1238 í síma 8626163 og í netfanginu heidar@1238.is
/Fréttatilkynning
Uppfært: Formlega opnunin fer fram klukkan 16.00 en ekki 17 eins og áður hafði komið fram.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.