Námskeið í framandi matarmenningum hjá Farskólanum
Farskólinn - miðstöð símenntunar býður upp á tvenns konar námskeið á Sauðárkróki um helgina. Námskeiðin eru í framandi matargerð, frá löndum sitthvoru megin við Kyrrahafið og koma bæði til með að gleðja bragðlaukana. Annars vegar er námskeið um vín- og matarmenningu frá Chile og hins vegar um sushi, sem á rætur sínar að rekja til Japans.
Námskeiðið um vín- og matarmenningu frá Chile fer fram föstudaginn 7. október. Í námskeiðslýsingu segir eftirfarandi: „Vín frá Chile verið vinsælust í vínbúðum undanfarið. Við förum um landið með vín og mat, sem er líka blanda af hefðum og nútímahugmyndum – besta leiðin til að skynja vínsmökkun fyrir þá sem hafa ekki prófað það áður, og kynnast betur hvað býr á bakvið þessi vín sem hafa verið svo vinsæl. Þar er nefnilega margt forvitnilegt.“
Um er að ræða eins konar endurvakningu á vínklúbbi sem eitt sinn var á Kaffi Krók. Jón Dan mun á ný töfra fram rétti sem passa við vín frá Chile sem Dominique Plédel Jónsson frá Vínskólanum mun kynna fyrir viðstöddum.
„Ef námskeiðið verður vel sótt höfum við áhuga á að hafa það að reglulegum viðburði. Okkur langar að skapa þá sömu notalegu stemningu sem ríkti í vínklúbbnum var hér áður á Kaffi Krók,“ sagði Halldór Brynjar Gunnlaugsson verkefnisstjóri hjá Farskólanum. Námskeiðið fer fram í húsnæði Farskólans nk. föstudag og hægt er að skrá sig á heimsíðu Farskólans.
Um helgina verður einnig verður boðið upp á námskeið um Sushi, sem hefur verið gríðarvinsæl matargerð síðustu misseri. Þar mun Þóra Björk Jónsdóttir leiðbeina viðstöddum í sushigerð, kynna þar helstu gerðir og hvaða hráefni eru notuð. Einnig verður fyrirlestur um japanska siði og venjur. Loks fá þátttakendur að bragða á afrakstri eigin vinnu.
Námskeiðið verður haldið á laugardaginn 8. október og hægt er hægt að skrá sig hér.
Fleiri fréttir
-
Gamall refur gerði Stólunum grikk
feykir.is Skagafjörður, Íþróttir, Lokað efni 13.07.2025 kl. 22.56Stólarnir fóru helst til þunnskipaðir austur á Höfn um helgina og léku við lið Sindra. Stólarnir voru fyrir leikinn í sjötta sæti en Hornfirðingar í níunda sæti. Staða liðanna breyttist ekki en þau gerðu 2-2 jafntefli þar sem gamall markarefur og fyrrum leikmaður Tindastóls jafnaði metin á lokakaflanum.Meira -
Þrjú stig sótt á Seltjarnarnesið
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.07.2025 kl. 18.54Eftir þrjá svekkjandi tapleiki í röð gerðu liðsmenn Kormáks/Hvatar góða ferð suður á Seltjarnarnes og að leik loknum var risið á heimamönnum bæði lítið og lágt. Gestirnir áttu góðan leik í fyrri hálfleik og leiddu 1-2 ú hálfleik og í síðari hálfleik var varist með kjafti og klóm og þó Gróttverjar gerðu sitt besta til að jafna þá tókst það ekki. Lokatölur 1-2 og mikilvæg þrjú stig í hús.Meira -
Gott teppi og kaffibolli best með bóklestri
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 13.07.2025 kl. 13.05Feykir plataði Maríu Rut Kristinsdóttur, þingmann Viðreisnar í Norðvesturkjördæmi, til að svara Bók-haldinu í miðju svokölluðu málþófi stjórnarandstöðunnar vegna veiðigjaldsins í upphafi síðustu viku. Vonandi var þetta bara skemmtilegt uppbrot á löngum degi í þinginu. María Rut fæddist árið 1989, er alin upp á Flateyri við Önundarfjörð en er búsett í Reykjavík.Meira -
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira
