Nemó FNV fer með Rocky Horror í Hof
Nemendur Fjölbrautaskóla Norðurlands vestra eru heldur betur stórhuga þetta vorið. Nemendafélagið setti upp frábæra sýningu, hryllingssöngleikinn Rocky Horror í leikstjórn Eysteins Guðbrandssonar, nú eftir áramótin og sýndi í Bifröst við góðar undirtektir eða ellefu uppseldar sýningar. Nú hefur verið ákveðið að setja upp sýninguna í Hofi á Akureyri og sýna dagana 9.-10. maí næstkomandi.
Þau eru nokkuð ólík sviðin í Bifröst og í Hofi, svona eins og að skipta út gamalli Fólksvagen Bjöllu fyrir nýjan Land Cruiser. Gera kannski sama gagn en já, svolítið ólíku saman að jafna. Feykir spurði Fannar Pétursson, formann NFNV, að hverju þyrfti að huga fyrir þetta stökk á milli leikhúsa.
„Það þarf að stækka leikmynd, stækka hverja einustu senu og koreografa upp á nýtt, hanna nýtt ljósashow alveg frá grunni. Það skemmtilega við þetta er að þetta þarf allt að gerast á 10 klukkustundum. Semsagt; setja upp leikmynd, hljómsveit, koreografa, ljósashow.“
Hvernig lagðist þessi hugmynd í leikhópinn, að skjótast með Horrorinn í Hof? „Þetta leggst ansi vel í hópinn og eru flest allir mjög spenntir, ef ekki of spenntir, en sumir virðast þó stressaðir sem er mjög skiljanlegt.“
Hvernig kom þetta til? „Þegar þessi hugmynd fæddist, að fara með þetta lengra, tók enginn í það að alvöru og héldu allir að þetta væri eitthvað grín. En strax eftir sýningar tókum við Eysteinn ansi marga stöðufundi og vorum farnir að hallast að því að þetta væri ekki gerlegt en héldum þó í einhverja von og héldum áfram að kýla á þetta. Við tökum svo fund með Kela [settum skólameistara] og þegar við vorum búnir að hugsa þetta mikið voru allir orðnir ansi spenntir yfir þessu. Keli tók mjög vel í þetta og fór þá undirbúningur í fullan gang. Við í Nemó og Eysteinn fórum svo í fullan undirbúning og er komin ansi mikil spenna í hópinn og mikið stress.“
Stress er auðvitað alveg nauðsynlegt, bara að það verði ekki of mikið. En fyrir metnaðarfullan hóp, sem er búinn að rúlla Rocky Horror ellefu sinnum í Bifröst fyrir fullu húsi, þá er auðvitað ekkert ómögulegt.
Nú er bara að kaupa miða og mæta með smá eftirsælu í Eyjafjörðinn. Sýningarnar eru sem fyrr segir 9. og 10. maí og er hægt að nálgast miða á mak.is eða tix.is.
Fleiri fréttir
-
Afmælishátíð Hollvinasamtaka HSB
feykir.is Austur-Húnavatnssýsla, Lokað efni 25.04.2025 kl. 09.45Þann 19. apríl voru 20 ár frá stofnun Hollvinasamtaka HSB. Að því tilefni verður efnt til afmælishátíðar í húsakynnum HSN á Blönduósi, næstkomandi sunnudag 27. apríl kl. 13:00-16:00.Meira -
Ægir Björn keppir á WodlandFest
feykir.is Skagafjörður, Íþróttir 25.04.2025 kl. 09.30Í morgun byrjaði hin fræga WodlandFest í Malaga á Spáni en þetta er einn af stærstu CrossFit viðburðum ársins í greininni og stendur yfir í þrjá daga. Þarna keppist besta CrossFit íþróttafólk í heimi um sæti á verðlaunapallinum og þeir sem enda í tveimur efstu sætunum fá keppnisrétt á Crossfit heimsleikana. Þessi viðburður sameinar því keppni, samfélag og adrenalín í umhverfi sem er hannað til að hvetja til mikilleika í CrossFit heiminum.Meira -
Styrktarhlaup Einstakra barna þann 1. maí á Króknum
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 08.33Það er að skapast sú fallega hefð að halda styrktarhlaup þann 1. maí á Sauðárkróki fyrir Einstök börn. Allt skipulag í kringum hlaupið er í höndum hlaupahópsins 550 Rammvilltar en fyrst hlaupið var haldið árið 2023. Þetta er því í þriðja skiptið sem þær stöllur setja þennan viðburð á og hefur þátttaka farið fram úr björtustu vonum. Rúmlega 200 manns hlupu, gengu eða hjóluðu sér til gamans í fyrra og vonast skipuleggjendur að svipuð þátttaka verði þetta árið. Nú þarf bara að grafa upp hlaupaskóna og koma sér í hlaupagírinn fyrir 1. maí.Meira -
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.