Óskað eftir tilnefningum til Samfélagsverðlauna Skagafjarðar
Sveitarfélagið Skagafjörður auglýsir eftir tilnefningum til Samfélagsverðlauna Skagafjarðar 2020 en verðlaunin eru veitt árlega þeim einstaklingi, fyrirtæki, stofnun eða félagasamtökum í Sveitarfélaginu Skagafirði sem þykja standa sig afburða vel í að efla skagfirskt samfélag. Tilnefningar þurfa að berast fyrir föstudaginn 25. september nk.
Verðlaunin voru veitt í fyrsta sinn á setningu Sæluviku Skagfirðinga árið 2016 þegar Stefán Pedersen hlaut þann heiður. Árið 2017 komu þau í hlut Kristmundar Bjarnasonar fræðimanns á Sjávarborg, 2018 fengu hjónin Herdís Klausen og Árni Stefánsson verðlaunin og loks Geirmundur Valtýsson á síðasta ári.
Tilnefningar þurfa að berast fyrir föstudaginn 25. september nk. en þær má senda á netfangið heba@skagafjordur.is eða skila inn í afgreiðslu ráðhússins á Sauðárkróki.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.