Samgöngumál fyrirferðarmikil
Samgöngumál voru sem fyrr fyrirferðarmikil í umræðunni á ársþingi SSNV sem haldið var í október. Var ályktað um vegasamgöngur, almenningssamgöngur og netsamgöngur á þinginu.
Í ályktun um vegasamgöngur og vegakerfið í landshlutanum kom fram að afar brýnt væri fyrir íbúa og atvinnulíf að ráðist yrði í markvissa uppbyggingu vegakerfisins. „Nú er svo komið að ástand vega á svæðinu er farið að standa atvinnulífinu, t.d. ferðaþjónustu fyrir þrifum. Einnig heyrist að íbúar veigri sér við að senda börn með skólabílum vegna ástands vega á svæðinu. Um 13% vegakerfis landsins er á Norðurlandi vestra og verður að gera þá kröfu til stjórnvalda að þau tryggi fjármuni til viðhalds og eðlilegrar endurnýjunar samgöngumannvirkja“, segir í ályktun frá ársþinginu.
Þá var fjallað um almenningssamgöngur, en SSNV hefur um nokkurt skeið rekið almenningssamgöngur í samstarfi við önnur landshlutasamtök og byggir samningurinn á samstarfi milli landshlutasamtakanna og Vegagerðarinnar.
„Notendum þjónustunnar hefur fjölgað jafnt og þétt en nú í sumar hefur þeim þó fækkað frá fyrra ári. Þegar landshlutasamtökin tóku við þessum rekstri var gert ráð fyrir að um nokkurskonar sérleyfi væri að ræða en það hefur ekki haldið og hafa nokkrir aðilar keyrt leiðina yfir háannatíma en dregið sig út yfir vetrartímann. Er þetta andstætt hugmyndinni um sérleyfi þar sem skilyrði er m.a. að um heilsársstarfsemi sé að ræða. Gera verður þá kröfu til stjórnvalda að þau tryggi almenningssamgöngur í sessi með traustari lagaumgjörð og/eða tryggari fjármögnun,“ segir í álytkun.
Loks var fjallað um að áætlun ríkisvaldsins, sem nefnd hefur verið Ísland ljóstengt, hefði skilað árangri í bættum netsamgöngum á Norðurlandivestra. „Því miður hafa netsamgöngur ekki verið skilgreindar sem grunnþjónusta og þess vegna er það undir sveitarstjórnum komið á hverjum stað að koma netsambandi til íbúa þar sem fjarskiptafyrirtækin sjá sér ekki hag í að leggja ljósleiðara. Gera verður þá kröfu til stjórnvalda að þau skilgreini netsamgöngur sem grunnþjónustu og að íbúar landsins, hvar sem þeir búa, sitji við sama borð hvað þennan þátt varðar. Aðgangur að hröðu og góðu netsambandi verður sífellt mikilvægari fyrir íbúa og er fullvíst að skortur á því hefur hamlandi áhrif á byggðaþróun,“ segir loks í ályktun frá ársþingi SSNV.
Fleiri fréttir
-
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira
