Sigfús Pétursson frá Álftagerði er látinn
Sigfús Pétursson, tenórinn ástsæli frá Álftagerði, lést 3. maí á sjúkrahúsinu á Sauðárkróki. Hann var fæddur 23. apríl 1943 og var því nýorðinn 83 ára. Sigfús var næstelstur sex systkina. Útför Sigfúsar verður gerð frá Sauðárkrókskirkju föstudaginn 15. maí.
Foreldrar Sigfúsar voru Pétur Sigfússon (1917–1987) og Sigrún Ólafsdóttir (1914–1990). Sigfús stundaði búskap í Álftagerði lengst af en bjó síðasta æviskeiðið í Varmahlíð.
Sigfús varð landsfrægur fyrir sína björtu og háu tenórrödd og sérstöku. Það þekktist strax ef hann var að syngja „síðasta lag fyrir fréttir”. Sigfús gekk ungur í karlakórinn Heimi og var hann einn af aðal einsöngvurum kórsins um áratuga skeið. Hann hætti formlega að syngja einsöng með kórnum 2009.
Álftagerðisbræður, sá landskunni kvartett sem samanstóð af þeim bræðrum, Sigfúsi, Pétri, Gísla og Óskari Péturssonum, naut fádæma vinsælda um árabil og heyrist oft á öldum ljósvakans. Komu þeir fram víða um land og kvöddu svo stóra sviðið með stórtónleikum í Hörpu 2019. Þau eru ótalmörg lögin sem Sigfús söng á löngum ferli en líklega má segja að það séu Rósin og Ökuljóð sem munu halda minningu hans á lofti um ókomna tíð. Sigfúsi bregður fyrir í kvikmyndinni Mýrinni en þar syngur hann Ökuljóðið í fallegri senu.
Feykir sendir aðstandendum kærar samúðarkveðjur. Minning Sigfúsar Péturssonar lifir. /hmj
Fleiri fréttir
-
Góðar fréttir af Hólum í Hjaltadal
feykir.is Skagafjörður 13.05.2026 kl. 19.16„Í dag var það mikilvæga framfararskref stigið fyrir Hóla í Hjaltadal að eftir áralangt samtal Skagafjarðar við íslenska ríkið um þéttbýlið á Hólastað hefur Sigfús Ingi Sigfússon sveitarstjóri undirritað samkomulag við forsætisráðherra og fjármálaráðherra fyrir hönd íslenska ríkisins um að koma innviðum, umhirðu og staðarhaldi svæðisins í það horf sem almennt gildir í þéttbýli innan sveitarfélagsins.“ Frá þessu segir á vef Skagafjarðar.Meira -
Veisluhöld valdhafanna | Jón á Stóra-Búrfelli skrifar
feykir.is Austur-Húnavatnssýsla, Aðsendar greinar, Sveitarstjórnarkosningar 13.05.2026 kl. 14.50Það er misjafnt hvað mennirnir hafast að. Nú standa sem hæðst veisluhöld valdhafanna, sínu meira þó hjá D-listanum enda hafa þeir fengið mest fjármagn frá sveitarfélaginu í sína kosningabaráttu vegna mesta fylgis í síðustu kosningum.Meira -
Sýslumaðurinn á Norðurlandi vestra. Atkvæðagreiðsla utan kjörfundar vegna sveitarstjórnarkosninga 2026
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Sveitarstjórnarkosningar 13.05.2026 kl. 14.35Opið verður fyrir atkvæðagreiðslu utan kjörfundar á skrifstofum embættisins á uppstigningardag, 14. maí, og kjördag, 16. maí, sem hér segir:Meira -
Sóknarfæri byggjast á traustum grunni | Frá Byggðalistanum
feykir.is Skagafjörður, Aðsendar greinar, Sveitarstjórnarkosningar 13.05.2026 kl. 14.15Davíð Logi Jónsson heiti ég og er kúabóndi. Ég bý ásamt Emblu konunni minni og tveimur dætrum okkar á bænum Egg í Hegranesi. Ég er fæddur og uppalinn í Réttarholti í Akrahreppinum hinum forna, og þar hafa foreldrar mínir og nú síðar bróðir minn og konan hans einnig búið með kýr. Þó ég sé einungis 38 ára gamall hef ég því yfir 30 ára reynslu í að mjólka kýr og afla þeim fóðurs. Landbúnaðarmál eru því ofarlega í huga mér flesta daga og í raun atvinnurekstur yfir höfuð.Meira -
Tindastóll - Grindavík 83-86 | Stólum stillt upp við vegg
feykir.is Skagafjörður, Íþróttir, Mannlíf, Lokað efni 13.05.2026 kl. 13.45Leikur númer tvö í einvígi Tindastóls og Grindavíkur um Íslandsmeistaratitilinn í körfuknattleik fór fram í Síkinu í gærkvöldi. Að vanda var rafmögnuð stemning og allt lagt undir. Hér verður í grófum dráttum farið yfir gang leiksins en annars var fókus blaðamanns aðallega á gesti og starfsfólk en hann var á vappi á svæðinu að taka myndir og viðtöl.Meira
