Sjálfsafgreiðsluvél tekin í notkun á bókasafninu
Nýrri sjálfsafgreiðsluvél hefur nú verið komið fyrir á bókasafninu á Sauðárkróki. Um er að ræða nútímalega lausn sem auðveldar og flýtir fyrir afgreiðslu hjá safninu, frá þessu segir á vef Skagafjarðar.
Sjálfsafgreiðsluvélin gerir viðskiptavinum kleift að fá lánað efni safnsins án beinnar milligöngu starfsmanna. Notendur geta þannig afgreitt sig sjálfir og sleppa því að bíða eftir þjónustu. Það skal þó tekið fram að það er alltaf í boði að fá hefðbundna afgreiðslu sé þess óskað.
Allar bækur safnsins eru merktar með strikamerkjum, líkt og bókasafnskort notenda. Vélin les strikamerkin og sækir upplýsingar um bækur og lánþega á skjótan og einfaldan hátt.
Með tilkomu þessarar nýju tækni er ætlunin að létta undir með starfsfólki og bæta upplifun lánþega. Þannig fæst meiri tími til að sinna annarri þjónustu við gesti safnsins.
Fleiri fréttir
-
„Við glennum upp ginin þegar þar að kemur“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.03.2026 kl. 16.06Dregið hefur verið í 32 liða úrslitum Mjólkurbikarsins en bæði lið Tindastóls og Kormákur/Hvöt voru í pottinum góða. Bæði liðin fengu erfiða mótherja en þó heimaleiki en fyrst þurfa liðin þó að klára andstæðinga sína í 64 liða úrslitum og það gæti reynst þrautin þyngri.Meira -
Sniglast á Írlandi – tækifæri í nýrri atvinnugrein á Norðurlandi
feykir.is Skagafjörður, Austur-Húnavatnssýsla, Vestur-Húnavatnssýsla 24.03.2026 kl. 14.58Nú á dögunum stóð Eimur fyrir fræðsluferð til Írlands fyrir áhugasama aðila um tækifæri í sniglarækt. Í umfjöllun á síðu SSNV segir að fulltrúi samtakanna, Magnús Barðdal, hafi verið með í för til að kynna sér verkefnið og vera í stakk búinn til að styðja við áhugasama aðila með áætlunargerð og þróun verkefna ef vilji er til staðar að hefja slíka starfsemi á Norðurlandi.Meira -
Sóley Björk vínfræðingur mætir á Sauðá á fimmtudaginn
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 24.03.2026 kl. 10.02Sóley Björk Guðmundsdóttir vínfræðingur býr og starfar í Barselóna en gerir sér reglulega ferð til Íslands og alla leið heim á Sauðárkrók til að halda vínsmakkanir. Næsta smökkun fer fram á Sauðá á fimmtudaginn næstkomandi, 26. mars.Meira -
Öxnadalsheiði ófær vegna óveðurs
feykir.is Skagafjörður, Austur-Húnavatnssýsla, Vestur-Húnavatnssýsla 24.03.2026 kl. 09.12Samkvæmt upplýsingum á umferðarsíðu Vegagerðarinnar er Öxnadalsheiðin ófær sem stendur vegna óveðurs en víðast hvar í nágrenni eða við Tröllaskagann gengur á með éljum og snjóþekja er á vegum í nágrenni Akureyrar. Sama gildir um veginn frá Sauðárkróki. til Hofsóss. Þjóðvegur 1 er ýmist greiðfær eða með hálkublettum.Meira
