Skóla lokað vegna COVID-19 smits í Húnaþingi vestra

Grunnskóla Húnaþings vestra hefur verið lokað en á Facebook-síðu hans kemur fram að starfsmaður skólans hefði greinst með Kórónaveirusýkingu. Í samráði við fulltrúa almannavarna og sóttvarnalæknis fellur skólahald niður um óákveðinn tíma.

„Foreldrar og starfsmenn þess bekkjar sem viðkomandi starfsmaður starfar í verða látnir vita um þær ráðstafanir sem gera þarf en starfsmaðurinn er sem betur fer ekki alvarlega veikur,“ segir á grunnskoli.hunathing.is.

Af þessum sökum verður því ekkert skólahald í dag, miðvikudaginn 18. mars en farið verður yfir stöðuna með fulltrúum sóttvarnalæknis og foreldrar og starfsmenn upplýstir í kjölfarið um framhaldið.

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir