Sögur frá landi slá í gegn - Síðasti þáttur í kvöld
Þriðji og síðast þáttur af Sögum frá landi, sem sýndur er á RÚV, verðu á dagskrá í kvöld en þar fara þau Hlédís Sveinsdóttir og Hallgrímur Ólafsson um Norðurland vestra og kynna sér sögu, menningu og matargerðarlist á svæðinu. Þættirnir hafa notið mikilla vinsælda og koma, samkvæmt mælingum, fast á eftir fréttum, íþróttum og veðri.
„Gróft sagt erum við með um 20% meðaláhorf, sem þýðir að 20% hafa horft á þáttinn allan en uppsafnað er 23%,“ segir Árni Gunnarsson, hjá kvikmyndafélaginu Skottafilm á Sauðárkróki sem framleiðir þættina.
„Þetta er miklu meira áhorf en ég bjóst við, ég rústa séra Brown,“ segir Árni í léttu gríni en þann þátt þekkja margir sjónvarpsáhorfendur. „Það er stór áfangi að taka fram úr honum en þátturinn fylgir fast á eftir fréttum, íþróttum og veðri og frábært að vera í efstu sætunum með þátt af okkar svæði.“
Árni segir ekki neinar fyrirætlanir vera með fleiri þætti en viðbrögðin gefi alveg tilefni til bjartsýni um það. „Þessi hugmynd alla vega fellur vel í kramið og fær gott áhorf.“
Hugmyndin af þáttunum kviknaði í vetur og segir Árni uppleggið frá upphafi hafa verið að koma þeim inn í dagskrá RÚV í sumar. „Hluti af því sem ég bauð sjónvarpinu var að ég yrði fljótur að framleiða þættina og koma þeim í dagskrá núna. Í raun og veru vantar frekar efni heldur en hitt í sjónvarp. En uppleggið var að gera þetta hratt og vel. Það sem gerði þetta að veruleika var að sjónvarpið samþykkti skilyrðin og SSNV skyldi styrkja þetta verkefni.“
En við hverju mega áhorfendur búast í kvöld?
„Það verður magnaður þáttur í kvöld. Hann fjallar um draugagang, síðustu aftökuna á Íslandi og hvernig Agnes Magnúsdóttir, sem var hálshöggvin á Þrístöpum 1830, og hvernig hún hefur verið að gera vart við sig, ekki bara einu sinni heldur oftar, eftir þessa atburði. Þetta er löng og merkileg saga og ég hefði getað gert marga þætti um þetta eina viðfangsefni,“ segir Árni. Vert er að hvetja alla til að setjast fyrir framan skjáinn í kvöld og njóta Sagna frá landi, og hefst þátturinn klukkan 20.
Tengd frétt: Sögur frá landi í Sjónvarpinu í kvöld
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.