Stólastúlkur geta styrkt sig á toppi Lengjudeildar í kvöld
Kvennalið Tindastóls getur komið sér vel fyrir á toppi Lengjudeildarinnar í kvöld er stelpurnar mæta liði Víkings úr Reykjavík á KS vellinum á Sauðárkróki kl. 19:15. Tveimur aðalkeppinautum Stólanna, Keflavík og Gróttu, mistókst að krækja sér í fullt hús í leikjum þeirra í gær. Leikurinn verður sýndur á Tindastóll TV.
Keflavík, sem leitt hefur deildina lungann úr tímabilinu, þurfti að sætta sig við 3-3 jafntefli við Augnablik í gær og vermir annað sæti deildarinnar með 21 stig og Grótta, sem gat jafnað Keflavík að stigum, tapaði sínum leik gegn Aftureldingu 3-1 og situr í 4. sætinu með 18 stig. Haukar aftur á móti gerðu vel og komu sér upp fyrir Gróttu með sigri á ÍA 1-4.
Með sigri í kvöld ná Stólastúlkur fjögurra stiga forskoti á Keflavík en ljóst má vera að ekkert má út af bera í baráttu um toppsætið.
Eins og flestir vita eru áhorfendur ekki leyfðir á vellinum og er þá gott að hafa Tindastóls TV sem ætlar að sýna leikinn.
Feykir hvetur alla til að horfa og senda sterka strauma á stelpurnar okkar en eins og áður segir tróna þær á toppi Lengjudeildarinnar með 22 stig fyrir leikinn einu stigi á undan Keflavík sem situr í öðru. Sjá HÉR
Einnig má minna þá á sem nýta sér framtak Tindastóls TV að sjálfsagt er að styrkja þá en reikningsnúmer þeirra er: 0310-26-3090 og kennitalan: 6002023080.
Áfram Tindastóll
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.