Stólastúlkur í stuði og komnar í lykilstöðu
Í kvöld mættust lið Tindastóls og Snæfells öðru sinni í fjögurra liða úrslitum um sæti í efstu deild körfunnar. Lið Tindastóls sótti sterkan sigur á heimavöll Snæfells í fyrsta leik og í kvöld bættu Stólastúlkur um betur og unnu öruggan sigur þar sem þær leiddu allan leikinn. Grunnurinn að sigrinum var lagður í fyrsta leikhluta þar sem heimastúlkur náðu 16 stiga forystu. Lokatölur voru 75-60 og staðan í einvíginu því 2-0 fyrir Tindastól.
Helgi þjálfari lofaði nýrri áskorun og nýjum hetjum og það stóð heima. Klara Sólveig var búin að setja þrjá þrista á fyrstu tæpu fimm mínútunum en hún og Rannveig gerðu báðar 14 stig í leiknum og munaði um minna þar sem hvorki Emese né Andriana fundu fjalirniar sínar. Eftir að staðan var 8-6 þegar þrjár og hálf mínúta var liðin þá kom 16-2 kafli hjá liði Tindastóls sem leiddi 24-8 að loknum fyrsta leikhluta. Lið Snæfells svaraði vel fyrir sig í upphafi annars leikhluta og minnkaði muninn í þrjú stig, 31-28, en þá kom annar góður kafli heimastúlkna þar sem Klara Sólveig og Rannveig léku stóra rullu. Staðan 44-30 í hálfleik.
Lið Tindastóls átti góða byrjun á seinni hálfleiknum, gerði níu stig gegn tveimur gestanna, og munurinn orðinn 21 stig. Þrátt fyrir að Helgi væri duglegur að skipta mínútum milli Stólastúlkna þá náðu gestirnir lítið að ógna forystunni. Þær komu muninum niður í 13 stig, 70-57 þegar þrjár mínútur voru eftir, en Brynja Líf svaraði með þristi og þar með voru vonir gestanna um endurkomu slökktar.
Okoro var stigahæst í lið Tindastóls með 17 stig og hún tók átta fráköst. Klara Sólveig og Rannveig voru báðar með 14 stig, Brynja Líf og Inga Sigríður voru báðar með átta stig, Andriana og Emese með sex stig hvor en Emese 16 fráköst og loks var Inga Sólveig með tvö stig. Í liði Snæfells var Shaw stigahæst með 24 stig, hún spilaði hverja sekúndu í leiknum en í kvöld þurfti hún að hafa meira fyrir hlutunum gegn vörn Tindastóls en í fyrsta leiknum.
Næst mætast liðin í Stykkishólmi á sunnudag en þá getur lið Tindastóls mögulega tryggt sæti sitt í úrslitarimmunni. Á sama tíma tekur lið Aþenu á móti KR. Allt stefndi í annan sigur Aþenu á Vesturbæingum í kvöld en þær leiddu 59-75 þegar skammt var eftir. Það var hins vegar lið KR sem gerði sjö síðustu stig leiksins og jafnaði einvígið.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.