Súperdúper Stólastúlkur og meiriháttar Mur
Kvennalið Tindastóls færðist skrefi nær sæti í Pepxi Max-deildinni í gær þegar þær heimsóttu lið Fjölnis í Grafarvoginn. Það er óhætt að fullyrða að Stólastúlkur hafi verið mun sterkari aðilinn í leiknum og á meðan vörnin er eins og virki og Mur heldur áfram að gera hat-trick þá er lið Tindastóls óárennilegt. Lokatölur í dag voru 0-3 og já, Mur gerði þrennu.
Lið Tindastóls átti svo sem engan stjörnuleik en heimastúlkur, sem voru í næstneðsta sæti Lengjudeildarinnar, voru hreinlega aldrei líklegar til að skora. Murielle kom gestunum yfir eftir 20 mínútna leik, skoraði af stuttu færi eftir hornspyrnu frá Jackie. Áður hafði hún skallað boltann í þverslá eftir hornspyrnu og það virðist ógjörningur að halda henni í skefjum. Sem er auðvitað frábært. 0-1 í hálfleik.
Það gerðist ekki margt frásagnarvert framan af síðari hálfleik í Grafarvogsvindinum en lið Tindastóls var líklegra, en það vantaði herslumuninn. Þjálfaradúett Tindastóls skipti nokkrum leikmönnum inn á og það virtist ekkert veikja liðið. María Dögg var þá færð úr bakverðinum inn á miðjuna og á 77. mínútu átti hún frábæra sendingu inn á vítateig Fjölnis sem Mur náði og komst í dauðafæri sem hún kláraði af öryggi. Á 86. mínútu fullkomnaði hún þrennuna með auðveldu marki. Lið Tindastóls náði þá góðri sókn þar sem boltinn var færður frá hægri kanti yfir á þann vinstri, síðan kom prýðileg fyrirgjöf sem fór framhjá nokkrum leikmönnum en Mur hafði skilað sér inn á teig með seinni skipunum og hún fékk boltann á fjærstöng fyrir opnu marki – hún var ekki að fara klikka þar. 0-3 og sigur í höfn.
Þetta var vinnusigur. Stelpurnar gerðu varla mistök, héldu boltanum ágætlega og voru skynsamar. Flest föst leikatriði liðsins eru stórhættuleg og andstæðingunum gengur illa að ráða við hraðann og styrkinn í sókninni og öfluga liðsheild.
Stólastúlkur hafa nú unnið sex leiki í röð í deildinni, eru með 34 stig eftir 13 leiki og hafa enn aðeins fengið á sig fimm mörk. Liðið hefur gert 37 mörk í þessum leikjum og þar af er Mur með 21 – þær sem koma næstar henni í markaskorun í Lengjudeildinni hafa gert átta mörk. Laugardaginn 19. september kemur lið ÍA í heimsókn á Krókinn en lið Tindastóls á eftir að spila fimm leiki og verða þeir spilaðir á 21 degi. Koma svo Tindastóll!
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.