Tengslanet frumkvöðlakvenna á Norðurlandi vestra
Á þriðjudaginn í næstu viku er konum sem hafa áhuga á að koma hugmyndum sínum á framfæri, hafa viðskiptahugmynd sem þær vilja hrinda í framkvæmd eða hafa nýlega stofnað fyrirtæki boðið á fund í Verknámshúsi FNV á Sauðárkróki klukkan 19:30.
Fundurinn er upphaf tengslanetamyndunar kvenna á Norðvesturlandi til að efla starfssemi, verði vettvangur til fræðslu, stuðnings og nýrra tækifæra á svæðinu. Er þetta partur af verkefninu Free, sem er styrkt af Evrópusambandinu, og er aðalmarkmið verkefnisins að aðstoða frumkvöðlakonur á landsbyggðinni til að koma hugmyndum sínum og fyrirtækjum á framfæri með fræðslu og hvatningu auk þess að efla tengslanet kvenna. Verkefnið er tilraunaverkefni og verður í boði í fimm löndum sem eru auk Íslands, Bretland, Króatía, Litháen og Búlgaría. Sjónum er einkum að landssvæðum sem hafa glímt við fábreytni í atvinnulífi og búið við neikvæða byggðaþróun og mun fræðslan á Íslandi verða í boði á Vestfjörðum, Norðurlandi vestra og Austurlandi.
Fundinum verður stýrt af Lilju Gunnlaugsdóttur, en fór hún í haust til Sheffield og sótti fræðslu fyrir tengslanetaleiðtoga allra landanna í verkefninu. Á námskeiðinu var fræðsla um tengslanet sem hafa verið sett upp í dreifðum byggðum á Bretlandi, fræðslu um þjálfun og kennslu en auk þess var farið í fyrirtækjaheimsóknir í Peak District héraðið þar sem fyrirtæki kvenna á svæðinu voru heimsótt. Auk Lilju fóru þær Bryndís Sigurðardóttir, Ísafirði og Anna Katrín Svavarsdóttir, Egilsstöðum sem munu vinna við eflingu tengslaneta á Vestfjörðum og Austurlandi.
Á fundinum mun Sólveig Olga Sigurðardóttir, atvinnuráðgjafi hjá SSNV, fara yfir hvernig er best að vinna í styrktarumsóknum fyrir Uppbyggingarsjóð, en opið er fyrir umsóknir í sjóðinn til 29. nóvember. Lilja hvetur konur á Norðvesturlandi til að mæta á fundinn, kynnast og eiga góða kvöldstund og leggur hún áherslu á að allar konur í fyrirtækjarekstri séu velkomnar.
„Eftir að hafa stofnað sjálf fyrirtæki, fann ég frá fyrsta degi hve mikilvægt það er að geta leitað til annarra, fá ráð, gefa ráð og talað við fólk sem er í sömu sporum og maður sjálfur. Með því að nýta styrk hvors annars og þekkingu kemur út sterk heild sem allir græða á. Ég vonast til að tengslanetið styrki þá sem eru fyrir með fyrirtækjarekstur og gefi þeim sem eru í startholunum eða með hugmynd kjark til að taka stökkið og framkvæma, sem bætir atvinnulíf og þar af leiðandi mannlífið á svæðinu,“ segir Lilja.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
