Tindastóll/Hvöt á toppinn í 2. deildinni
Í dag mætti lið Tindastóls/Hvatar Hvergerðingum í Hamri í mikilvægum leik í 2. deildinni í knattspyrnu. Það var ljóst fyrir leikinn að ef heimamenn næðu að fagna sigri væru þeir komnir í toppsæti 2. deildar sem verður að teljast ansi vel af sér vikið miðað við erfiða byrjun á tímabilinu. Lokatölur urðu 4-1 fyrir heimamenn sem leiddu í leikhléi 1-0.
Leikurinn var nokkuð jafn í fyrri hálfleik en heimamenn voru sterkari síðustu mínúturnar og höfðu náð yfirhöndinni fyrir hlé með marki frá Atla Arnarsyni. Í síðari hálfleik bætti Ingvi Hrannar Ómarsson við öðru marki eftir laglegt spil og staða Tindastóls/Hvatar orðin góð. Leikmenn slökuðu nokkuð á og lið Hamars komst á ný inn í leikinn þegar þeir minnkuðu muninn eftir að heimamönnum sváfu á verðinum í vörninni og náðu ekki að hreinsa frá marki. Eftir þetta lögðu gestirnir allt kapp á að jafna leikinn og færðu lið sitt framar. Það kom í bakið á þeim því Arnar Sigurðsson fékk fína stungu inn fyrir vörn Hamars og kláraði færi sitt laglega. Skömmu síðar bætti Ingvi Hrannar við öðru marki sínu í leiknum eftir að hafa komist inn á teig Hamars. Eftir þetta datt botninn að mestu úr spili gestanna og heimamenn fengu nokkur dauðafæri sem þeir hefðu átt að nýta betur. Lokatölur 4-1 og leikmenn Tindastóls/Hvatar fögnuðu ynnilega í lokin.
Nú eru fjórar umferðir eftir í 2. deildinni og þrátt fyrir að Tindastóll/Hvöt sitji einir í toppsætinu og möguleikinn á sæti í 1. deild að ári sannarlega góður, þá eru deildin eftir sem áður gríðarlega jöfn. Þannig má segja að liðið í níunda sæti 2. deildar á enn möguleika á að komast upp þótt ótrúlegt megi virðast en aðeins munar 6 stigum á efsta liðinu og því í níunda sæti.
Gaman var að sjá til leikmanna Tindastóls/Hvatar sem eru að spila fínan fótbolta, Theo Furness og Arnar Sig bráðskemmtilegir á köntunum og aðrir leikmenn blómstra þessa dagana með sjálfstraustið í botni eftir gott gengi síðustu vikurnar. Boltinn gekk vel á milli manna og ágæt fjölbreytni í leik liðsins. Næsti leikur er á Selfossi þann 26. ágúst og hefst kl. 19:00.
Fleiri fréttir
-
Það er mikill uppgangur í Golfklúbbi Skagafjarðar
feykir.is Skagafjörður, Íþróttir, Lokað efni 14.07.2025 kl. 14.55Meistaramót GSS 2025 fór fram dagana 7.-12. júlí á Hlíðarendavelli. Metþátttaka var í meistaramótinu en 30% klúbbfélaga voru skráðir til leiks eða samtals 103 kylfingar. Meistaramótið er fyrir alla félagsmenn GSS, flokkar við allra hæfi. Í barna og unglingaflokkum voru 29 þátttakendur sem léku í 4 flokkum en þátttakendur í fullorðinsflokkum voru 74 sem léku í 8 flokkum.Meira -
Spænskur leikstjórnandi í kvennalið Tindastóls
feykir.is Skagafjörður, Íþróttir, Lokað efni 14.07.2025 kl. 10.42Tindastóll hefur gengið frá samningi við spænska leikstjórnandann, Alejandra Quirante, fyrir komandi tímabil í úrvalsdeild kvenna í körfuknattleik. Í tilkynningu frá körfuknattleiksdeild Tindastóls segir að Alejandra komi til liðsins með reynslu úr efstu deild á Spáni og er ætlað að leiða liðið á vellinum.Meira -
Forseti Íslands heimsækir Hóla
feykir.is Skagafjörður, Listir og menning, Mannlíf 14.07.2025 kl. 09.02Hólahátíðin verður helgina 16.-17. ágúst. Að þessu sinni verður Hólahátíð barnanna laugardaginn 16. ágúst og mun skátafélagið Eilífsbúar sjá um dagskrá fyrir börn og fjölskyldur í fögru umhverfi Hólastaðar. Farið verður í leiki og þrautir, gengið um í skóginum, söngstund í kirkjunni og grillað við Auðunarstofu. Á sunnudeginum verður að venju hátíðarmessa í Hóladómkirkju kl. 14, síðan veitingar efir messu og hátíðardagskrá í kirkjunni kl. 16:10.Meira -
Gamall refur gerði Stólunum grikk
feykir.is Skagafjörður, Íþróttir, Lokað efni 13.07.2025 kl. 22.56Stólarnir fóru helst til þunnskipaðir austur á Höfn um helgina og léku við lið Sindra. Stólarnir voru fyrir leikinn í sjötta sæti en Hornfirðingar í níunda sæti. Staða liðanna breyttist ekki en þau gerðu 2-2 jafntefli þar sem gamall markarefur og fyrrum leikmaður Tindastóls jafnaði metin á lokakaflanum.Meira -
Þrjú stig sótt á Seltjarnarnesið
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.07.2025 kl. 18.54Eftir þrjá svekkjandi tapleiki í röð gerðu liðsmenn Kormáks/Hvatar góða ferð suður á Seltjarnarnes og að leik loknum var risið á heimamönnum bæði lítið og lágt. Gestirnir áttu góðan leik í fyrri hálfleik og leiddu 1-2 ú hálfleik og í síðari hálfleik var varist með kjafti og klóm og þó Gróttverjar gerðu sitt besta til að jafna þá tókst það ekki. Lokatölur 1-2 og mikilvæg þrjú stig í hús.Meira
