Umhverfisviðurkenningar Skagafjarðar
Í síðustu viku voru umhverfisviðurkenningar Sveitarfélagsins Skagafjarðar veittar við hátíðlega athöfn í Húsi frítímans á Sauðárkróki. Soroptimistaklúbbur Skagafjarðar hefur haft umsjón með útnefningu þessara viðurkenningar fyrir sveitarfélagið sl. 15 ár og er hans helsta fjáröflun. Í ár voru veittar viðurkenningar í sex flokkum og hafa þá verið veittar 94 viðurkenningar á þessum 15 árum.
Það var Erla Björk Örnólfsdóttir, formaður klúbbsins, sem afhenti viðurkenningarnar sem að þessu sinni komu í hlut eftirfarandi:
Hátún 1, býli með búskap. Eigendur Gunnlaugur Hrafn Jónsson og Helga Sjöfn Helgadóttir.
Syðra-Skörðugil, býli án búskapar. Ásdís Sigurjónsdóttir og Einar E. Gíslason, sem lést fyrir skömmu.
Ekki var hægt að gera upp á milli tveggja garða svo það voru veittar tvær viðurkenningar í flokknum lóð í þéttbýli. Annars vegar komu þær í hlut Ástu Pálínu Ragnarsdóttur og Magnúsar Sverrissonar í Drekahlíð 8 og hins vegar Margrétar Grétarsdóttur og Páls Sighvatssonar, Brekkutúni 4. Báðir garðarnir eru á Sauðárkróki.
Hóladómkirkja þótti skarta fallegustu lóð við opinbera stofnun og tóku formaður sóknarnefndar, Laufey Guðmundsdóttir, og organistinn, Jóhann Bjarnason, við viðurkenningaskildinum.
Viðurkenningu fyrir snyrtilegasta umhverfi við fyrirtæki hlaut Bændagistingin á Hofsstöðum. Gestgjafar og eigendur þar eru hjónin Elínborg Bessadóttir og Vésteinn Vésteinsson.
Viðurkenningu fyrir einstakt framtak féllu í skaut þeim Herdísi Sæmundardóttur og Guðmundi Ragnarssyni en þau stóðu að því að reisa minnisvarða um Hrafna-Flóka í mynni Flókadals í Fljótum og vígt var árið 2012.
Nánar er hægt að lesa um viðurkenningarnar í Feyki vikunnar.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.