Útgáfu Eldað undir bláhimni fagnað
Í gær var því fagnað í Menningarhúsi Skagfirðinga í Varmahlíð að bókin Eldað undir bláhimni væri komin út. Útgefandi er Nýprent á Sauðárkróki og ritstjórn var í höndum Heiðdísar Lilju Magnúsdóttur en myndirnar í bókinni eru eftir þá Pétur Inga Björnsson og Óla Arnar Brynjarsson sem einnig er hönnuður bókarinnar.
-Þetta er bók um skagfirska matarmenningu, þar sem kynntir eru til leiks í máli og myndum helstu matvælaframleiðendur og veitingahús í Skagafirði. Fólk sem hefur unnið ötult starf við að efla og kynna matarferðaþjónustu í Skagafirði með þróunarverkefninu Matarkista Skagafjarðar, segir Heiðdís Lilja um bókina en farið er í sælkeraferð um Skagafjörð þar sem fögur náttúra og ljúffengir réttir eru í öndvegi.
-Við kynnumst fólkinu á bak við tjöldin, matvælaframleiðendum og atvinnukokkum, en förum líka í heimsókn á einkaheimili þar sem heimilisfólk laumar að okkur fjölskylduuppskriftunum sínum. Þá bregðum við okkur í bjargsig í Drangey með Ástu Birnu Jónsdóttur og félögum, á sjó með grásleppukarlinum Hauki Steingríms og upplifum iðandi mannlífið á Lummudögum, hrossablóti, þorrablóti og sælkeraveislum af ýmsu tagi, segir Heiðdís.
Bókin er bæði á íslensku og ensku og henni er skipt í kafla eftir árstíðum, auk þess sem fjallað er um þjóðlegar matarhefðir í sérstökum kafla. Hún inniheldur rúmlega fjörutíu uppskriftir og fjölda stórglæsilegra ljósmynda af skagfirskri matargerð, náttúrufegurð og mannlífi.
Sérstaða bókarinnar, segir Heiðdís vera án efa sú að hún er tileinkuð skagfirskri matarmenningu, sem byggir á þeirri hugmyndafræði að nýta það spennandi hráefni sem finna má í skagfirsku matarkistunni, til dæmis skagfirskt fjallalamb, rækjur, naut, hross, þorsk, Hólableikju og ferskan mozzarellaost. Leitast er við að tengja saman umfjöllun um umhverfi, matvælaframleiðendur, veitingahús og ástríðukokka.
-Þetta er sem sagt ekki bara uppskriftabók. Þetta er í takt við þá vitundarvakningu sem orðið hefur um allan heim að nýta það sem náttúran gefur, velja hráefni úr heimabyggð og styrkja tengslin milli framleiðenda og neytenda. Bókin var unnin í samstarfi við stjórn Matarkistu Skagafjarðar og þau veitingahús sem taka þátt í því verkefni. Svo er hún auðvitað unnin af hreinræktuðum Skagfirðingum, segir Heiðdís að lokum.
Fleiri fréttir
-
Njarðvíkingar kaffærðir í Síkinu
feykir.is Skagafjörður, Íþróttir, Lokað efni 24.01.2026 kl. 14.38Feykir hafði spáð hörkuleik í Síkinu í gærkvöldi þegar Njarðvíkingar sóttu Stólana heim í Bónus deild karla. Það má kannski öllu nafn gefa og kannski var þetta hörkuleikur en ekki var hann spennandi. Heimamenn tóku öll völd í fyrsta leikhluta og gestirnir fengu ekki rönd við reist þegar eimreið Stólanna brunaði ítrekað yfir þá. Mestur varð munurinn 35 stig í þriðja leikhluta en gestirnir löguðu stöðuna í fjórða leikhluta. Lokatölur 113-92.Meira -
Norðurland vestra fékk 772 milljónir til sóknaráætlana á fimm ára tímabili
feykir.is Skagafjörður, Austur-Húnavatnssýsla, Vestur-Húnavatnssýsla 24.01.2026 kl. 13.58Nýverið kom út greinargerð um sóknaráætlanir landshluta fyrir árin 2020 - 2024. Í þessari greinargerð Byggðastofnunar og stýrihóps Stjórnarráðsins um byggðamál er gerð grein fyrir ráðstöfun fjárframlaga til sóknaráætlunarsamninga og framkvæmd þeirra á samningstímabilinu 2020-2024.Meira -
Mikill hugur í nýrri stjórn knattspyrnudeildar Tindastóls
feykir.is Skagafjörður, Íþróttir 24.01.2026 kl. 13.11Aðalfundur knattspyrnudeildar Tindastóls fór fram síðastaliðinn fimmtudag. Á fundinum var kosin ný stjórn þar sem Jóhann Daði Gíslason heldur áfram sem formaður og Hjörtur Elefsen heldur áfram í stjórn. Elínborg Margrét Sigfúsdóttir var kjörin gjaldkeri deildarinnar og Heba Guðmundsdóttir verðir ritari.Meira -
Feykir mælir með | Tvær gerðir af hollu og góðu salati
feykir.is Skagafjörður, Í matinn er þetta helst, Lokað efni 24.01.2026 kl. 11.49Þar sem meistarinn Alber Eiríksson gaf út matreiðslubók í byrjun ágúst 2025 þá var matgæðingaþáttur í tbl. 31 - 2025 tileinkaður honum en bókin heitir því einfalda nafni Albert eldar – einfaldir og hollir réttir. Þar segir hann frá því að undanfarin sumur hafi hann verið við eldamennsku á heilsuviku á Austurlandi og hafa sumir réttirnir sem eru í bókinni þróast þar, bæði í samtali við gesti og fólkið sem stjórnar þessum viðburði hverju sinni. Áherslan er alltaf góður, einfaldur og heilnæmur matur sem inniheldur öll þau helstu næringar- og steinefni sem við þurfum.Meira -
Njarðvíkingar mæta í Síkið í kvöld
feykir.is Skagafjörður, Íþróttir, Lokað efni 23.01.2026 kl. 15.04Stólarnir spretta úr spori á ný í Bónus deild karla í kvöld þegar þeir fá lið Njarðvíkur í heimsókn í Síkið. Tindastóll er í öðru sæti deildarinnar með 20 stig að loknum þrettán leikjum en lið Stjörnunnar og Vals eru einnig með 20 stig en hafa leikið einum leik meira en Stólarnir. Grindvíkingar eru sem fyrr á toppnum, hafa aðeins tapað einum leik í deildinni í vetur. Leikurinn hefst kl. 19:00 og varningur og hamborgarar að sjálfsögðu í boði.Meira
