Vonskuveður í dag og á morgun
Það er spáð vonskuveðri á landinu í dag en raunar er reiknað með að versta veðrið verði á höfuðborgarsvæðinu og sunnanlands. Hér á Norðurlandi vestra er gul veðurviðvörun frá því um kl. 10 og stendur hún til kl. 16 í dag. „Austan og suðaustan 15-25 m/s og vindhviður staðbundið yfir 35 m/s, hvassast austantil. Einnig má búast við snjókomu og skafrenningi með slæmu skyggni og versnandi færð. Varasamt ferðaveður,“ segir í viðvörun fyrir Strandir og Norðurland vestra.
Eins og þarna segir er það austanáttin sem er í boði í dag og eins og nefnt hefur verið í veðurfréttum Feykis upp á síðkastið þá nær sú átt sér helst upp vestan fjalla eða fjallgarða. Sem þýðir að væntanlega sleppa Króksarar betur en til dæmis Blönduósingar þar sem vindur fer yfir 20 metrana í dag.
En það er auðvitað ekki á vísan að róa þegar kemur að veðrinu og því vissara að fylgjast vel með fréttum af veðri og færð ætli fólk sér að vera á faraldsfæti. Holtavörðuheiðin er lokuð þá er Siglufjarðarvegur úr Fljótum og til Siglufjarðar lokaður. Þverárfjallsvegur er á óvissustigi og gæti verið lokað með skömmum fyrirvara skv. yfirlýsingur frá Lögreglunni á Norðurlandi vestra.
Víðast hvar á vegum á svæðinu er skafrenningur og talsverður vindur.
Ekki er útlitið betra fyrir morgundaginn og í raun töluvert verra þó svo að ekki sé að sjá neinar viðvaranir frá Veðurstofu vegna þess ennþá. Vind ætti að lægja undir morgun á laugardaginn.
Fleiri fréttir
-
Úrslit í Gæðingalist Meistaradeildar KS
feykir.is Skagafjörður, Íþróttir 26.03.2026 kl. 10.56Keppt var í Gæðingalist í Meistaradeild KS í miðvikudagskvöld, 25. mars. Haf & Land ehf bauð áhorfendum frítt inn og fór það svo að Barbara Wenzl og Loftur frá Kálfsstöðum stóðu uppi sem sigurvegarar með einkunnina 7.50 eftir flotta sýningu. Í öðru sæti, þar rétt á eftir var Mette Mannseth og Töfri frá Þúfum með 7.47 og í því þriðja var Vera Schneiderschen og Feykir frá Selfossi með 7.43.Meira -
Innviðaskuld íþróttamannvirkja í Skagafirði | Indriði Grétarsson skrifar
feykir.is Skagafjörður, Aðsendar greinar 26.03.2026 kl. 10.00Nú þegar líður að sveitastjórnarkosningum er vel við hæfi að velta fyrir sér og varpa aðeins ljósi á þörf er varðar uppbyggingu á íþróttamannvirkjum í Skagafirði og í raun þeirri miklu innviðaskuld sem er komin. Eitthvað sem margir hafa verið að velta fyrir sér enda ætti góð íþróttaaðstaða sem uppfyllir kröfur þeirra íþróttagreina sem stundaðar eru í Skagafirði að vera ein af grunnstoðum samfélagsins sem styður við marga þætti er snýr félagslegum, andlegum og líkamlegum þætti fólks á öllum aldri. Aðgangur að fjölbreyttum íþróttagreinum er lykilþáttur í því, margar greinar þjálfa líkama og hreyfanleika fólks á meðan aðrar þjálfa andleguhliðina. En margir gera sér ekki endilega grein fyrir því hversu mikil í umsvifum þessi mál eru orðin og hvað þarf að gera.Meira -
Nú er hægt að skoða seli í sýndarveruleika
feykir.is Vestur-Húnavatnssýsla, Lokað efni 26.03.2026 kl. 09.30Næstkomadi sunnudag 29. mars verður sunnudagur á safni, sem er samstarfsverkefni safna og setra og sýninga á Norðurlandi vestra sem skiptast á að opna dyrnar fyrir íbúum og gestum. Selasetur Íslands, Veslunarminjasafnið, Gallerí Bardúsa og Byggaðsafn Húnvetninga og Strandamanna á Reykjum verða með opið nk. sunnudag.Meira -
Framsókn vill ráðast í uppbyggingu íþróttamannvirkja á Sauðárkróki
feykir.is Skagafjörður, Aðsendar greinar 26.03.2026 kl. 08.31Framboðslisti Framsóknar fyrir komandi sveitarstjórnarkosningar vinnur nú markvisst að mótun stefnu næsta kjörtímabils. Eitt af forgangsmálum listans verður að hefja nauðsynlega uppbyggingu íþróttamannvirkja norðan við núverandi íþróttahús á Sauðárkróki.Meira
