Vorverkin í Brimnesskógum
Skemmst er frá því að segja að vorverkum Brimnesskógarmanna í Skagafirði þetta árið er lokið. Hugað var að girðingunni umhverfis ræktunarsvæðið og hún lagfærð, en heita má árvisst að snjór sligi hana á fáeinum stöðum. Landið sem sem ræktað er á er um 23 hektarar að flatarmáli og er í eigu sveitarfélagsins Skagafjarðar. Allt starfið er unnið í sjálfboðavinnu og er skógurinn gjöf félagsmanna til samfélagsins.
Um hvítasunnuhelgina fór nokkur hópur sjálfboðaliða og dreifði áburði á trén, sem dafna eftir atvikum ágætlega. Mishávaxin eru þau en hin hæstu eru nú um tveggja metra há og sjást brúskarnir tilsýndar þegar ekinn er vegurinn vestan við Kolku skammt frá Kolkuósi.
Eingöngu eru ræktaðar trjátegundir sem hafa vaxið í Skagafirði frá öndverðu. Mest hefur verið gróðursett af kynbættu birki sem upprunnið er í Geirmundarhólaskógi, en einnig birki ættað úr Gljúfurárgili sunnan við Ásgeirsbrekku í Viðvíkursveit. Líka hefur verið gróðursettur vefjaræktaður reyniviður sem á uppruna sinn í Hrolleifsdal og gulvíðir og birki sem á rætur sínar að rekja í Fögruhlíð í Austurdal.
Nokkur ágrædd birki-móðurtré eru á ræktunarsvæðinu, fjögurra til fimm metra há og eru þau eftir atvikum hugsuð sem möguleg fræuppspretta í framtíðinni.
Helga Gunnaugsdóttir garðyrkjustjóri Skagafjarðar hefur verið stoð og stytta Brimnesskóga, félags frá upphafi.
Stjórn Brimnesskóga skipa Stefán S. Guðjónsson stjórnarformaður, Steinn Kárason framkvæmdastjóri, Jón Ásbergsson, Sölvi Sveinsson og Vilhjálmur Egilsson.
/Fréttatilkynning
Fleiri fréttir
-
Keppni í fullum gangi í Bikarkeppni FRÍ á Króknum
feykir.is Skagafjörður, Íþróttir, Lokað efni 06.07.2025 kl. 11.14Bikarkeppni Frjálsíþróttasambands Íslands hófst í gær á Sauðárkróki og heldur áfram í dag við fínar aðstæður en nú þegar líður að hádegi er glampandi sól, um 15 stiga hiti og býsna stillt á skagfirska vísu. Keppt var í 14 greinum í gær og eftir fyrri daginn er staðan þannig að lið FH leiðir stigakeppnina með 90 stig, lið ÍR er í öðru sæti með 83 stig og Fjölnir/UMSS er í þriðja sæti með 75 stig. Það væri því ekki vitlaust að mæta á völlinn og styðja okkar fólk.Meira -
Húnvetnskir dansarar stóðu sig með prýði
feykir.is Austur-Húnavatnssýsla, Listir og menning, Lokað efni 05.07.2025 kl. 22.50Feykir sagði í gær frá ferðalagi húnvetnskra ungmenna á Heimsmeistaramótið í dansi sem fram fer á Spáni. Hópurinn sem er skipaður krökkum frá Húnaþingi vestra og Húnabyggð steig á svið upp úr kl. 4 í dag og stóð sig aldeilis prýðilega þá frammistaðan hafi ekki skilað hópnum verðlaunasæti.Meira -
Karamella borðaði allt halloween nammið | Ég og gæludýrið mitt
feykir.is Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 05.07.2025 kl. 14.48Í Feyki sem kom út í byrjun mars svaraði Natan Nói Einarsson sem býr á Skagaströnd gæludýraþættinum og segir okkur hér frá hundunum sínum en hann á samt fullt af dýrum, bæði dýrum sem fá að vera inni hjá þeim og svo þessi ekta íslensku sveitadýr. Foreldrar Natans eru þau Einar Haukur Arason og Sigurbjörg Írena Ragnheiðardóttir en svo á Natan sex systkini þannig að það er nóg að gera á þessu heimili.Meira -
Heimsmeistarinn í Byrðuhlaupi skorar á aðra hlaupara að taka þátt að ári
feykir.is Skagafjörður, Íþróttir, Mannlíf, Lokað efni 05.07.2025 kl. 12.31Byrðuhlaupið fór fram í Hjaltadal 17. júní síðastliðinn. Það var Christian Klopsch sem stóð uppi sem sigurvegar og bætti heimsmetið í leiðinni. Christian er 33 ára gamall doktorsnemi við ferðamáladeild Háskólans á Hólum og Háskóla Íslands. Hann flutti 2022 til Hóla og hefur langað að taka þátt í Byrðuhlaupi síðustu ár en var aldrei heima – þar til nú. Þannig að í Byrðuhlaupinu 2025 kom Christian, sá og sigraði. Katharina Sommermeier, formaður Umf. Hjalta sem stendur fyrir hlaupinu, spjallaði við Christian fyrir Feyki.Meira -
Dagskrá Húnavöku 2025 er orðin opinber
feykir.is Austur-Húnavatnssýsla, Listir og menning, Mannlíf, Lokað efni 05.07.2025 kl. 12.29Það styttist óðfluga í bæjarhátíð Húnabyggðar, Húnavöku, sem verður á Blönduósi dagana 16.-20. júlí. Að venju er mikið lagt í hátíðina, dagskráin fjölbreytt og viðamikil en að venju er laugardagurinn sneisafullur af alls konar. Þar má nefna torfærukeppni, froðurennibraut, markað, fjölskylduskemmtun, knattspyrnuleik, kótilettukvöld, tónleika og uppistand, brekkusöng og stórdansleik.Meira
