Skagafjörður

Vegagerðin hefur sótt um framkvæmdaleyfi til að styrkja og breikka 5,5 km kafla frá Þverárfjallsvegi að Fagranesi. Í framhaldinu er síðan fyrirhugað hugað að leggja bundið slitlag á veginn og þar með bæta umferðaröryggi. Þetta kemur fram í fundargerð skipulags- og byggingarnefndar svf. Skagafjarðar 23. júní sl.

Hola, sem grafin var við göngustíg við Geitagerði á Hólum í Hjaltadal, hefur staðið opin frá því í fyrrahaust, íbúum og öðrum vegfarendum um svæðið til ama og torveldar gönguleiðina. Að sögn eins vegfaranda, sem hafði samband við Feyki, er slysahætta af holunni sem ómögulegt er að sjá hvaða hlutverki gegnir þarna.

Ný stjórn var kosin á aðalfundi körfuknattleiksdeildar Tindastóls sem fram fór sl. miðvikudagskvöld og segir í færslu deildarinnar á Facebook-síðu hennar að ljóst var fyrir fundinn að mikil endurnýjun yrði í stjórn að þessu sinni þar sem einungis þrír aðilar úr fyrri stjórn gáfu kost á sér til áframhaldandi setu.

Búist er við vaxandi hvassviðri á Norðurlandi og Vestfjörðum í kvöld og nótt og hefur Veðurstofan gefið út appelsínugula viðvörun vegna þess fyrir morgundaginn og fram á laugardagsmorgun. Í athugasemd veðurfræðings segir að ekkert ferðaveður verði fyrir ferðahýsi eða húsbíla og einnig geti verið mjög erfitt að vera í tjaldi í slíkum vindi.

Kvennaliði Tindastóls gæti bæst liðsauki í baráttunni í Pepsí Max deildinni í sumar en von er á 25 ára gamalli slóvenskri landsliðskonu, Tina Marolt, næsta mánudag. Að sögn Óskars Smára mun hún æfa með liðinu mánudag og þriðjudag.

Alþingi samþykkti á dögunum breytingar á lögum til að færa eftirlit með póstþjónustu til Byggðastofnunar með það að markmiði að tryggja skilvirka þjónustu um allt land. Byggðastofnun tekur formlega við málaflokknum 1. nóvember nk.

Sveitarfélagið Skagafjörður og Ræktunarsamband Flóa og Skeiða ehf undirrituðu nú nýverið undir samning um borun eftir heitu vatni í Varmahlíð. Fyrirhugað er að bora nýja vinnsluholu við Reykjahól fyrir heitu vatni á allt að 700 metra dýpi. Jarðborinn Trölli hefur nú þegar hafið borun og gengur verkið samkvæmt áætlun. Áætlaður kostnaður hljóðar upp á 50 milljónir króna og er gert ráð fyrir verklokum í lok ágúst samkvæmt samningi.

Ferðafélag Skagfirðinga verður með fyrstu göngu sumarsins á morgun, fimmtudaginn 24. júní. Mæting er við Arion banka kl. 17:00, þar sem sameinast verður í bíla. Gengið verður í Trölla og þar mun ferðafélagið bjóða upp á grillaðar pylsur. Gestir koma með sinn eigin drykk.

Hátíðin hefst með útsýnisgöngu upp á Rauðhólshnjúk á föstudeginum klukkan 17:30 og það kvöld verður innig varðeldur og brekkusöngur í kvosinni með Brynjari Elefsen og Valgerði Erlings. Síðan verður pöbbastemning á Retro Mathúsi sem er nýr staður í bláa húsinu í kvosinni sem eitt sinn hýsti Veitingastofuna Sólvík. Í Höfðaborg verður Barsvar frá 23-24 sama kvöld.

Evrópubikar landsliða fór fram í Búlgaríu um liðna helgi. Ísland keppti þar í annarri deildinni og endaði í 9. sæti þar og halda sér þar með uppi í þeirri deildi. Þrjú lið mættu ekki til leiks og falla því niður um deild. Skagfirðingarnir Ísak Óli Traustason og Sveinbjörn Óli Svavarsson kepptu meðal annars fyrir hönd Íslands en þetta var í fyrsta skipti sem Sveinbjörn keppir undir merkjum Íslands.