25,4 milljónir á Norðurland vestra úr húsafriðunarsjóði
Húsafriðunarsjóður opinberaði fyrir helgi styrkveitingar sínar fyrir árið 2021 en fjöldi umsókna var 361 og hafa aldrei verið fleiri. Á heimasíðu Minjastofnunar kemur fram að að veittir hafi verið alls 240 styrkir, samtals 305.000.000 kr., en sótt var um rétt ríflega 1,5 milljarð króna. Alls fengu 20 verkefni á Norðurlands vestra 25,4 milljónir króna.
Minjastofnun Íslands úthlutar styrkjum úr húsafriðunarsjóði að fenginni umsögn húsafriðunarnefndar en á vef stofnunarinnar segir að styrkir úr húsafriðunarsjóði renni að jafnaði einungis til endurbóta og viðhalds sem stuðli að upprunalegu útliti húss eða mannvirkis og er dýrara en hefðbundið viðhald fasteignar þar sem notuð eru efni og aðferðir sem samrýmast varðveislugildi hússins.
Silfrastaðakirkja í Akrahreppi hlaut hæsta styrkinn sem rann til Norðurlands vestra eða fimm milljónir en Holtastaðakirkja í Langadal næsthæsta þrjár og hálfa milljón krónur.
Tyrfingsstaðir á Kjálka hlaut hæsta styrk friðlýstra húsa, eina og hálfa milljón og Riishús á Borðeyri tólfhundruð þúsund krónur.
Verkefni á Norðurlandi vestra sem fengu styrk:
Friðlýstar kirkjur:
Barðskirkja Fljót 900 þús. kr.
Hofsstaðakirkja Skagafjörður 500 -
Holtastaðakirkja Langadal 3.500 -
Ketukirkja Skagi 1.500 -
Knappsstaðakirkja Fljót 600 -
Silfrastaðakirkja Akrahreppur 5.000 -
Undirfellskirkja Vatnsdalur 2.300 -
Viðvíkurkirkja Skagafjörður 1.500 -
Friðlýst hús:
Riishús Borðeyri 1.200 -
Friðuð hús:
Brekkugata 2 Hvammstangi 900 -
Möllershús-Sjávarb. Hvammstangi 300 -
Gamli læknisbúst. Blönduósi 700 -
Geitaskarð Langidalur 300 -
Gamli bær Hraun á Skaga 900 -
Hlíðarrétt Vesturdal 600 -
Áshús Glaumbæ 200 -
Tyrfingsstaðir Kjálki 1.500 -
Önnur hús og mannvirki:
Brynjólfshús Borðeyri 300 -
Húsakannanir:
Akrahreppur 900 -
Rannsóknir:
Húsaskrá á Hvammst. 1898-1972 1.800 -
Lista yfir þau verkefni sem fengu styrk má finna hér.
Fleiri fréttir
-
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.