Arnar HU 1 landaði rúmum 532 tonnum
AFLATÖLUR | Dagana 2. maí til 8. maí 2021 á Norðurlandi vestra
Í síðustu viku voru það hvorki meira né minna en 45 bátar sem voru á veiðum á Norðurlandi vestra og er greinilegt að strandveiðarnar eru byrjaðar.
Í Sauðárkrókshöfn var landað tæpum 789 tonnum og var það Arnar HU 1 sem var aflahæstur með rúm 532 tonn. Drangey og Málmey lönduðu samanlangt tæpum 214 tonnum og var uppistaðan hjá þeim báðum þorskur. Á Skagaströnd var það Onni HU 36 sem var aflahæstur með 16.581 kg. en alls var þar landað rúmum 75 tonnum. Einn bátur landaði á Hvammstanga en það var Steini G HU 45 sem var með 5.040 kg. af grásleppu. Fimm bátar lönduðu á Hofsósi, þar af tveir frá Siglufirði, alls 13.883 kg. Heildarafli á Norðurlandi vestra var 882.754 kg.
Nú eru fimm vikur liðnar síðan fyrstu bátarnir skráðu sig á gráslepputímabilið og þar sem veiðidögunum var fækkað úr 40 niður í 35 þá þurftu margir að draga upp netin sín í síðustu viku. Ennþá eru bátar að skrá sig inn á tímabilið en hugsanlega eru það þeir sem eiga fleiri en einn bát með grásleppuleyfi og er því komið að næsta bát. Aflahæsti bátur vikunnar á Norðurlandi vestra var Steini G SK 14 frá Sauðárkróki með alls 13.389 kg en hann er ennþá aflahæsti báturinn frá því veiðar hófust með tæpt 61 tonn. Næst aflahæsti báturinn er Bergur Sterki HU 17 frá Skagaströnd með tæp 48 tonn. Alls var landað tæpum 84 tonnum í þessari viku af grásleppu en frá upphafi tímabilsins er búið að landa 570.510 kg.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.